КаСис е во потрага по најдобрите!
Инженери на системи – истапете еден чекор напред, токму вас ве бараме!
Кои сме ние: Интернационален Картичен Систем АД Скопје (КаСис) – Модерна, стабилна, иновативна и напредна компанија.
Што нудиме: динамика во текот на денот, пријатна атмосфера, постојана надградба на знаење и експертиза.
Клучен израз во нашата компанија: тимски дух!
Кого бараме: Инженер на систем (3 лица)
• Инженерот на систем во КаСис е динамична личност која отворено комуницира, која презема иницијативи и која гледа авантура во секој нов ден поминат во компанијата.
• Образованието кое го има стекнато е најмалку ВСП степен стручна подготовка – Електротехничи факултет / Факултет за информатички науки
• Личност која на работата под притисок и справувањето со повеќе проекти и задачи во исто време во кратки временски рокови, гледа како на предизвик.
• Личност насочена кон решавање на проблеми, чија прецизност, точност и аналитичен пристап во работењето ќе бидат високо ценети во рамките на компанијата.
• Добрите организациски вештини, личниот интегритет и професионалниот однос се на високо ниво – цениме професионална етика, и се придржуваме кон професионалноста во нашето бизнис секојдневие.
• Нашиот иден инженер на систем одлично го познава англискиот јазик (читање и пишување), и не се двоуми да се впушти во жива конверзација на англиски јазик.
• Претходното работно искуство навистина ни значи: секое претходно искуство поврзано со картично работење, платните системи и дигитални канали на плаќања ќе биде земено како предност како и познавање на Unix/Linux OS и бази на податоци (SQL/SQL Plus/MySQL/Oracle), како и претходни сертификати од завршени специјализирани курсеви и обуки.
Кои се дневните обврски на еден Инженер на систем во КаСис?
• Подготовка, инсталирање и тестирање на нови системи кои се во функција на обработка на трансакциите
• Администрација на апликации задолжени за обработка на трансакции
• Администрирање на канали на плаќање и веб сервиси
• Анализа на податоци и разрешување проблеми
• Изработка на кориснички упатства и технички спецификации
Се пронајдовте во огласот? Не чекајте ни момент повеќе: вашето CV го очекуваме на e-маил: [email protected] или на адреса: Кузман Јосифовски Питу бр.1 Скопје најдоцна до 30.06.2020 година.
*Со испраќање на Вашата апликација давате согласност Вашите податоци да бидат задржани и користени од Компанијата во рок од една година.