Аналитика
Извршниот директор на Alphabet, матичната компанија на Google, Сундар Пичаи изјави дека компанијата го следи развојот на блокчејн секторот и Web3, каде многу технолошки компании веќе натрупуваат инвестиции вредни стотици милиони долари, и дека и тие наскоро може да го следат нивниот пример.
„На Web3, ние дефинитивно ја следиме блокчејн технологијата, која е интересна и моќна технологија со широки апликации, многу пошироки од која било друга. Како компанија, гледаме како би можеле да придонесеме за екосистемот и да додадеме вредност“, изјави Пичаи. „Само еден пример, нашиот тим Cloud разгледува можности да ги поддржат потребите на нашите клиенти приградење, трансакција, складирање вредност и распоредување на нови производи на платформи базирани на блокчејн“. Пичаи смета дека технологијата ќе продолжи да се развива и иновира, а дека компанијата во чија сопственост е Гугл сака да се вклучи.
Познат како Web 3.0 или Web3, овој онлајн простор во развој е следниот значаен скок во тековната револуција на светската мрежа. На најфундаменталните основи, Web3 ќе интегрира децентрализирана сопственост на содржина од корисници кои создаваат вредност, корисност и зголемен ангажман низ проширен опсег на технологија базирана на блокчејн. Првите основни елементи на Web3 ќе бидат криптовалути, NFT, интернет на нештата, игри базирани на облак, протоколи за играње за заработка, децентрализирани финансии, растечки метаверс и многу повеќе.
Компаниите кои досега направиле значителни инвестиции во Web3 вклучуваат: Nike, Walmart, Twitter, Block/Square, Meta/Facebook, Sony и многудруги .Сепак, до минатата недела, една од најголемите технолошки компании на планетата – Alphabet – практично молчеше во врска со оваа појавна, но сепак брзо растечка веб-еволуција.
„Вебот од секогаш еволуирал и ќе продолжи да се развива. И како Google, добивме огромна корист од технологиите со отворен код, и затоа планираме да придонесеме таму. Има неколку области на интерес. AR, односно проширената реалност е голема новина.Долго време инвестиравме таму и ќ епродолжиме да играме улога“, изјави Пичаи за плановите на сопственикот на Гугл. Alphabet објави повеќеод 20 милијарди долари профит во текот на последниот квартал лани.
