Какви инвестиции се гринфилд и браунфилд-инвестициите?

Датум на објава: 12.05.2020

Време зa читање: 2 минути

Странските директни инвестиции се инвестиции во кои странски физички или правни лица инвестираат средства во земја која е различна од нивната матична земја. Во зависност од тоа за каков вид на инвестиција станува збор, странските директни инвестиции може да се поделат на два сегменти: гринфилд-инвестиции и браунфилд-инвестиции.

Што се гринфилд-инвестиции?

Гринфилд-инвестиција претставува странска директна инвестиција во друга земја каде што странската компанија вложува средства со кои започнува нов проект или прави инвестиција во која започнува од нула и почнува активност или проект кој не постоел претходно. Практично, гринфилд-инвестициите се странски директни инвестиции во кои се инвестира во места кои претходно не биле развиени и се започнува од празно земјиште, а целта е одреден регион економски да се развие.

Со изградба и развој на новата компанија се ангажираат локални компании за изведувачи, се поттикнуваат нови вработувања, се влијае врз побарувачката на суровини и материјали и со целиот тој процес се поттикнува и развојот на економијата во која се реализира инвестицијата.

Прочитајте и ...  Трамп го одобри договорот за Тик Ток со Оракл и Волмарт

Што се браунфилд-инвестиции?

За разлика од гринфилд-инвестициите, браунфилд-инвестициите се, исто така, странски директни инвестиции каде што странската компанија вложува во веќе постоечка компанија преку купување или закупување на постоечкиот бизнис и најчесто овде инвестициите се во нова опрема и машини.

Со ваквите инвестиции се овозможува внес на нови технологии во земјата, запознавање со нови начини на работа за вработените во тие компании и воведување на нови практики, нови знаења и вештини како и имплементација на нови стандарди во работењето, што е особено важно за развојот на компаниите и на домашната економија воопшто.

Гринфилд и браунфилд-инвестициите се особено значајни и тие се еднакво атрактивни како во земјите во развој така и во развиените земји, бидејќи придобивките од нив се од голема полза како за компаниите така и за целокупната економија и нејзиниот развој.


Тагови: браунфилд, гринфилд, економија, инвестирање, развој,

Facebook профил: pari.com.mk

Инстаграм профил: pari.com.mk

@pari.com.mk

© Преземањето авторски содржини е забрането со закон. Преземањето на текстови и изјави во авторска сопственост на порталот pari.com.mk е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со pari.com.mk, е строго забрането.


Сподели: