Имал сѐ: врвен менаџмент, компании, пари. Потоа продал сѐ. Сега доаѓа во Скопје да објасни зошто

Замислете човек што ги искачил сите скалила што општеството ги нарекува „успех“. Од дете растено во сиромаштво, во дом скршен од алкохол и насилство, до факултет, постдипломски студии, врвен менаџмент во домашни и странски компании, па сопствено претприемништво, финансии и инвестиции.

И тогаш, кога веќе имал сѐ што „треба да те направи среќен“, Зоран Салопек направил нешто што малкумина би се осмелиле. Ги продал своите компании и слегол од тој небодер доброволно.

Илјадници луѓе поминале низ предавањата на Салопек низ регионот.

Зошто човек што стигнал до врвот би заминал од него?

Тоа е прашањето со кое Салопек денес полни сали низ регионот. Неговиот одговор не е уште една мотивациска флоскула. По години самоиспитување, тој дошол до заклучок што звучи непријатно едноставно: најголемата пречка меѓу тебе и животот што го сакаш не е пазарот, не се парите, не е среќата. Тоа е егото.

Автор на две книги („Небодер на животот“ и „Его, љубов, вистина“), основач на Меѓународниот институт за емоционална зрелост и на Level Up! Академијата на мудроста, Салопек го спојува она што ретко се гледа заедно: филозофија, психологија и наука за човекот. Пораката што ја носи е дека повеќето наши страдања не ни доаѓаат однадвор. Сами си ги создаваме, најчесто без да сме свесни.

Зоран Салопек, автор на бестселерите „Небодер на животот“ и „Его, љубов, вистина“.

„Не е вечер за поглед во сцената. Е вечер за поглед во огледало.“

На 26 септември, за прв пат во Скопје, тој ќе го одржи предавањето „Психологија на успех“. Ќе зборува за тоа како да го препознаеш егото што те кочи, како да станеш емоционално позрел, како да престанеш сам да си создаваш страдање и како конечно да го најдеш својот пат.

Простор што ѝ доликува на темата

Вечерта нема да се случи во обична сала. Домаќин е Музејот на македонската борба во Скопје, простор со тежина и раскош што го прави настанот дотолку посвечен.

Музеј на македонската борба, Скопје — просторот на настанот.

Настанот е дел од Be#Next серијата, која заклучно април собра над 1000 посетители на 4 настани, а сега ја носи една од најавтентичните фигури на регионалната сцена на личен развој. Местата се ограничени. Карти може да купите преку страната https://benext.mk/

ПР-Објава