Аналитика
Во тек е изградба и рехабилитација на преку 1.500 километри национални и 450 километри локални патишта и на околу 500 километри комунална инфраструктура. Ова неодамна го изјави министерот за транспорт и врски Благој Бочварски. Порталот „Пари“ пребаруваше по официјалниот сајт за јавни набавки Е-набавки.гов.мк и откри кој гради голем дел од патна инфраструктура насекаде низ Македонија. Победник на многу тендери, а и во нашето пребарување е градежното претпријатие „Жикол“ кое гради патишта, ги реконструира, или рехабилитира, но исто така гради и водоводни и канализациски мрежи.
Со „Жикол“ договор за сообраќајната инфраструктура склучиле многу општини, а и ЈП за државни патишта.
Еве кои се договорите што годинава ги потпишал „Жикол“:
| Нарачател | Градежна активност | Цена во договор(и) |
|---|---|---|
| Општина Богданци | Локален пат (с, Стајковци до Ѓавато) + изградба и реконструкција на пат | 435.000 евра |
| Општина Валандово | Повеќе улици, изградби и реконструкции | 340.000 евра |
| Општина Куманово | Кружен тек | 580.000 евра |
| Општина Дојран | Рехабилитација на улици | 40.000 евра |
| Град Скопје | Комунална и сообраќајна инфраструктура во Хром | 320.000 евра |
| Општина Гази Баба | Изградба на дел од улица | 34.000 евра |
| Општина Битола | Рехабилитација на улици, патишта, автопат | 65.000 евра |
| Општина Радовиш | Рехабилитација на асфалт | 88.000 евра |
| ЈП за државни патишта | Реконструкција на пат Ропалце-Матејче | 1.700.000 евра |
| Општина Могила | Рехабилитација на улица | 240.000 евра |
| Општина Центар | Реконструкција на коловоз | 42.500 евра |
Како што може да се види во рацете на „Жикол“ е идната патна инфраструктура на голем дел од државата. А, компанијата не може да се пожали дека нема полни раце работа. Ќе гради нови патишта за стотици илјади евра, а за кружниот тек во Куманово ќе и биде платено 580.000 евра. За реконструкција на државниот пат Ропалце-Матејче ќе добие дури 1,7 милиони евра.
„Жикол“ ќе изгради и водоводна и канализациска мрежа во повеќе места низ државава, за што има повеќе договри склучени со Министерството за транспрт и врски. Така, за водоводна и канализациска мрежа во Битола ќе се платат 730.000 евра, за изградба на водоводна мрежа во Визбегово-1,9 милиони евра, а за фекална канализација во Арачиново 1,8 милиони евра.
Градежната фирма „Жикол“ мината година направила приход од 20,6 милиони евра, а добивката и била 2,7 милиони евра, што е раст од 51% во однос на 2019 година.
