Горивата поевтинуваат за 2,13 % – цените на бензините и дизелот пониски за 1,5 денари

Една минута по полноќ горивата бензините и горивата ќе се точат по цени пониски за 1,5 денари по литар. Регулаторната комисија за енергетика донесе нова одлука со која малопродажните цени, во просек, се намалуваат за 2,13 отсто во однос на претходната недела.

Најголемата промена ќе се почувствува кај бензините и дизелот. Новата цена на Еуросупер БС-95 е  80,50 денари за литар. За 1,83 отсто е пониска од претходните 82 денари. Намалувањето кај Еуросупер БС-98 е за 1,79 отсто, односно од 84 на 82,50 денари. Еуродизелот, пак, поевтинува за 1,57 отсто и ќе се продава по 94 денари за литар, наместо досегашните 95,50 денари.

Пониска цена (-5,97 %) добива и мазутот М-1 НС – 46,288 денари за килограм (претходно 49,227 ден/кг). Од полноќ ќе биде поскапо (+0,52 %) екстра лесното масло (ЕЛ-1), чијашто цена е одредена на 97 денари за литар.