НА ХАЛКИДИКИ НА СИЛА ЗАБРАНА ЗА ВЛЕЗ ВО ШУМА поради зголемен ризик од шумски пожари

Локалните власти на грчкот полуостров Халкидики воведоа привремена забрана за пристап до неколку шумски области низ полуостровот Халкидики во северна Грција, бидејќи регионот се соочува со висок ризик од шумски пожари. Мерката, наредена од заменик-регионалниот гувернер на Халкидики, Јанис Куфидис, им забранува на пешаците и на сите видови возила да влегуваат во одредени шумски области во општините Касандра, Ситонија и Аристотелис, објавија грчки медиуми.

Според Катимерини, ограничувањето е на сила од 8:00 часот наутро до 20:00 часот во сабота, како дел од мерките за спречување на пожари.

Забраната за пристап се однесува на следниве локации:

Општина Касандра:
– Сртот на полуостровот Касандра, од Касандрино до Агија Параскеви.
– Шумските области познати како Арапис и Халковуни во локалната заедница Паљури.

Општина Ситонија:
– Сртот на полуостровот Ситонија кај Драгундели, кој се протега од задругата на пчеларите до Сикија.
– Општина Аристотелис
– Шумската зона што се протега од Комица до Уранополис, како и областите Цамија Стратоникис, Фисока и стрелиштето Стратони.

Властите ги повикаа жителите и посетителите да ги почитуваат ограничувањата, кои имаат за цел да го намалат ризикот од пожари во период на опасни временски услови поврзани со пожари.

(Фото: плажа на Касандра, Халкидики, Tomisti – Own work, CC BY-SA 4.0)