Аналитика
Условите за скијање, односно снежна покривка на Алпите во деновите по католичкиот Божиќ се многу мешани. Во крајниот југозападен дел од Алпите, има појава на огромна количина свеж снег, особено во јужен Пиемонт каде што во Прато Невосо и Лимоне има околу 1,5-2 метри снег во последните неколку дена, објави сајтот за следење на условите за скијање низ Европа, weathertoski.co.uk.
Други југозападни области кои имаа значителен (иако не толку многу) снег во последните денови се Сестриере и Алања во Италија, како и Изола 2000 и Кејрас во Франција. Повеќето други јужни алпски скијачки центри, исто така, имаа малку снег во среда навечер и во четврток, но не во „пресвртни“ количини, со само неколку сантиметри во Доломитите, на пример, според апдејтот направен на 26-ти декември.
Остатокот од Алпите (т.е. северната половина од Алпите) има многу малку, ако воопшто има, снег веќе неколку недели и имаат универзално подпросечна длабочина на снегот за крајот на декември.
Сè уште можете да најдете многу добри места за скијање на писти во северните Алпи, особено на поголема надморска височина, но многу пониски области имаат нерамномерна покривка на ски-патеките, а и таа се уништува со наглото зголемување на сообраќајот на скијачи за време на празничниот период.
За оние кои се прашуваат кога северните Алпи следниот пат ќе видат значителен снег, постои надеж дека бурите може да се спуштат од север околу или рано во Новата година, иако во моментов останува неизвесно колку снег може да се очекува.
АВСТРИЈА: ПОСЛАБА СО СНЕГ ВО ПОНИСКИТЕ ОБЛАСТИ
Австрија моментално има универзално подпросечна длабочина на снегот за крајот на декември, со очигледен недостаток на снег во многу ниски скијачки области.
Малку свеж снег падна на далечниот југ од Австрија во последните неколку дена, што помогна да се освежат работите во Насфелд (10 – 65 см), но, подалеку на север, беше сув во Лех (35 – 80 см) и Ишгл (20 -50 см). И двата сè уште нудат пристојни патеки, како и пониските скијачки области како што е Ски Велт (32 – 52 см), делумно благодарение на нивното одлично создавање вештачки снег.
Можни се свежи врнежи од снег во Австрија на почетокот на Новата година, но временските модели сè уште не се целосно усогласени за ова.
ФРАНЦИЈА: ИЗОЛА 2000 И ВАЛ Д’ИЗЕР СО НАЈДОБРИ УСЛОВИ
Најдобрите услови за снег во Француските Алпи моментално се на далечниот југ и близу до италијанската граница каде што Изола 2000 (75 – 110 см) скија одлично во моментов.
Посеверно, високите скијачки центри како што е Вал д’Изер (45 – 85 см), кои исто така имаа корист од неколку сантиметри снег што доаѓаа преку италијанската граница, се исто така во добра состојба. Сепак, пониските северни француски скијачки центри не виделе никаков значаен нов снег околу еден месец, освен Ле Гет (10 -60 см) погодни за скијање, но малку нерамномерно и со послаби услови на помала надморска висина.
Блискиот Аворијаз (80 – 145 см) има подобра покриеност со снег, но неизбежна е гужвата, која таму ќе ја затекнете.
ИТАЛИЈА: ПРЕКУ ДВА МЕТРА СНЕГ ВО ПРАТО НЕВОСО
Снежните услови се сензационални на крајниот југозапад од Италија, со длабочина на стврднат снег од 140 – 200 см во Прато Невосо, каде што ќе се скија, како и насекаде во Алпите откако ќе се разведри небото подоцна денес.
На други места во италијанските Алпи, малку нов снег помогна да се освежи атмосферата, со добро скијање на писти и во Алања (30 – 60 см) и во Араба (20 – 40 см), и покрај скромните длабочини на снегот.
Не се очекува нов снег во италијанските Алпи најрано до по Нова Година.
ШВАЈЦАРИЈА: СЕ ЧЕКА СНЕГОТ ЗА НОВА ГОДИНА
Некои далечни јужни швајцарски скијачки центри видоа неколку сантиметри снег во последните денови, што привремено ги освежи патеките во Саас-Фе (15 – 165 см), меѓутоа, повеќето швајцарски одморалишта не виделе значителен снег веќе неколку недели.
Сè уште можете да најдете добро скијање по патеки на надморска височина во одморалишта како Вербие (15 – 120 см) и Венген (15 – 40 см), меѓутоа, пониските региони се малку истрошени, а повеќе снег би бил добредојден.
Свеж снег би можел да пристигне рано во Новата година, иако ова е сè уште неизвесно.
ОСТАТОКОТ ОД ЕВРОПА: УШТЕ НЕ РАБОТАТ СО ПОЛН КАПАЦИТЕТ
Свежиот снег ги подобри условите во Пиринеите, со одлично скијање по патеки пријавено и во Грандвалира во Андора (60 – 80 см) и во Бакеира Берет во Шпанија (50 – 80 см).
Длабочината на снегот е генерално умерена низ Скандинавија, што значи дека многу одморалишта сè уште не работат со полн капацитет. Сепак, сè уште има добра понуда за скијање по патеки во Хемседал во Норвешка (32 – 37 см) и Оре во Шведска (26 – 39 см).
Во моментов нема сериозно скијање во Шкотска, со само неколку области за почетници отворени на мешавина од природен, вештачки и собран снег.
(Фото: Прато Невосо, Италија, Mizardellorsa – Own work, CC BY-SA 4.0)
