Аналитика
За миграцијата многу се зборува, не само за време на изборните кампањи во Источна Германија. Но, источногерманските сојузни покраини зависат од работата на луѓето кои емигрирале во Германија. Ова се рефлектира и во економска смисла.
Една нова студија покажа дека странските работници создаваат милијарди приходи за источните германски покраини.
Германскиот економски институт (IW) истражи дека тие станаа незаменлив дел од економиите на источните германски покраини, генерирајќи приход од милијарди евра.
Оттаму потенцираат дека во 2023 година, околу 403.000 луѓе со странски пасоши работеле во петте источни покраини на Германија, околу 173.000 повеќе од пет години претходно.
-Само тие беа одговорни за создавање на 24,6 милијарди евра (27,6 милијарди долари) – што е приближно 5,8%. на источногерманското создавање бруто вредност –заклучува Германскиот економски институт.
Авторот на студијата тврди дека странските работници се неопходни за источните држави: меѓу 2018 и 2023 година бројот на Германци кои работеле во регионот се намалил за 116.000.
Во светлината на претстојниот и континуираниот пораст на популарноста на екстремната десница, антиимигрантска, авторите на студијата пишуваат: „АфД неуморно ги напаѓа имигрантите додека ужива во поволни бројки во анкетите – во исто време, многу имигранти живеат во страв. Иронијата е во тоа што имигрантите се тие што ја помагаат економијата на источна Германија“.
Во студијата пишува дека ако во регионот дошле помалку имигранти во последните пет години, тој би се соочил со економски пад наместо со проширување.
Студијата ја посочува Саксонија како држава која најмногу профитирала од странската работна сила (со 7,9 милијарди евра создадени приходи), потоа Бранденбург (6,8 милијарди евра) и Тирингија (3,9 милијарди евра).
Германскиот институт се осврнува на прашањето од каде доаѓаат повеќето имигрантски работници во источна Германија?
Оттаму се нагласува дека оние кои работат на исток доаѓаат од Полска и Чешка, а потоа следат Романија и Украина. Студијата документира дека повеќето работеле во градежната индустрија, но и во транспортниот сектор и преку агенции за привремени вработувања во Германија
„Странските работници и помагаат на економијата на источна Германија“, рече коавторот Видо Геис-Тоне. „Тоа го прави уште поважно регионот да остане отворен за остатокот од светот – само така економијата на источна Германија може да остане успешна“.
