Мајкрософт се соочува со повик од инвеститорите да се објават потранспарентни даночни податоци

Инвеститорите кои управуваат со имот во вредност поголема од 350 милијарди долари, побараа Мајкрософт да објавува потранспарентни даночни и финансиски информации, бидејќи технолошките гиганти се соочуваат со зголемена контрола на глобално ниво за нивните даночни работи.

Резолуцијата на акционерите за даночна транспарентност беше поднесена до Мајкрософт пред овогодишниот состанок на инвеститорите, рече организаторот на акцијата, полномошници со седиште во Британија (Консултанти за истражување на пензии и инвестиции PIRC).

Инвеститорите, вклучително и Nordea, AkademikerPension и Greater Manchester пензиски фонд, ја поддржаа резолуцијата, рече PIRC.

Резолуцијата ја повикува компанијата да објавува финансиски и даночни информации од земја до земја надвор од нејзиниот домашен пазар во Соединетите Држави за инвеститорите да можат да проценат дали плаќа фер даноци и да ги идентификуваат сите ризици од даночните реформи.

Исто така, го повикува Мајкрософт да подготви извештај за даночна транспарентност во согласност со даночниот стандард на Global Reporting Initiative, организација за стандарди.

Слична резолуција е поднесена и до технолошкиот гигант Cisco, соопшти PIRC.

Инвеститорите гласаа за резолуција за даночна транспарентност на состанокот со инвеститорите на Амазон во мај, но таа и другите резолуции предводени од инвеститорите не добија доволна поддршка за усвојување.

Microsoft и Cisco не беа  достапни за коментар.