Нафтата погодена од короната во Шангај, доларот расте, јенот тоне

Азиските акции паднаа, а цените на нафтата се лизнаа утринава, бидејќи локдауните предизвикани од повторното ширење на коронавирусот во Шангај ја погодија економската активност. Јапонскиот јен го продолжи својот стрмен пад бидејќи Банката на Јапонија застана на патот на повисоки профити.

Шангај, финансискиот центар на Кина со 26 милиони жители им наложи на сите фирми да го прекинат производството или да ги натераат луѓето да работат од далечина во двофазни рестрикции во текот на девет дена.

Ширењето на ограничувањата поради новиот бран на ковид во Кина, која е најголемиот увозник на нафта во светот доведе до лизгање на цената на суровата нафта од видот Брент од 3,39 долари на 117,26 долари, додека американската сурова нафта падна за 3,41 долари на 110,49 долари.

На пазарот на енергенсите влијаеја и надежите за напредок во руско-укранските мировни преговори што ќе се одржат во Турција оваа недела, откако претседателот Володимир Зеленски рече дека Украина е подготвена да разговара за усвојување неутрален статус како дел од договорот.

Вредностите на акциите на кинеските водечки компании паднаа за 0,8%. Јапонскиот Nikkei  загуби 0,4%, но сепак е за речиси 6% поцврст за месецот бидејќи падот на јенот вети дека ќе ги зголеми приходите на извозниците. Фјучерсите на акциите на S&P 500 се намалија за 0,3%, додека фјучерсите на Nasdaq се лизнаа за 0,4%. Фјучерсите на EUROSTOXX 50 успеаја да додадат 0,3%, а фјучерсите FTSE 0,2%. Волстрит досега се покажа извонредно отпорен на радикалните мерки на Федералните Резерви на САД. На пазарите на суровини, златото омекна до 1.947 долари за унца, иако сè уште беше во пораст за околу 2% на месецот.

Доларот поскапе во понеделникот наутро во Азија. Јапонскиот јен продолжи со надолен тренд откако Банката на Јапонија излезе на пазарот за да ја одбрани својата имплицитна граница на принос. Биткоинот се искачи на речиси највисокото ниво во годината до денес.

Јенот падна на дури 122,78 за долар, најслаб од декември 2015 година, откажувајќи се од малите добивки во петокот кога Централната банка на Јапонија не стапи во одбрана на својата цел. Сепак, јапонската централна банка понуди да купи неограничени износи на 10-годишни јапонски државни обврзници  по 0,25% во понеделникот наутро.

Дури и инаку болниот евро се зголеми за 4% во однос на јенот овој месец на 134,56. Единствената валута загуби околу 2,3% во однос на доларот во истиот период, но со 1,0954 долари е нешто над неодамнешното двегодишно ниво од 1,0804 долари.

Нурнувањето на јенот го задржа индексот на американскиот долар на 99,098, со добивка за месецот од 2,5%.