Оглас за вработување во Халкбанк АД Скопје

Халкбанк АД Скопје е брзорастечка банка составена од тим од млади, амбициозни и мотивирани вработени. Во согласност со стратегијата, Банката е секогаш отворена за нови, едуцирани, трудољубиви, високо мотивирани и талентирани кандидати за вработување. Истовремено, на членовите на својот тим, Халкбанк АД Скопје нуди одлични работни услови, конкурентни примања и бенефиции, како и континуиран кариерен и професионален развој, кои што ја рефлектираат улогата на Банката како водечка финансиска институција во локалниот финансиско-банкарски сектор.

Поради пополнување на базата на апликанти, како и за идни потреби од вработени, Халкбанк АД Скопје објавува оглас за следната работна позиција:

РЕФЕРЕНТ ЗА БАНКАРСКИ ОПЕРАЦИИ
ВО СКОПЈЕ (РЕФЕРЕНЦА БР. 001/2020)

Халкбанк АД Скопје има потреба од лица кои се ориентирани кон грижа за клиентите, на работна позиција Референт за банкарски операции која опфаќа: прием, администрација и реализација на барањата на клиентите, вкрстена продажба, директен маркетинг на производите и услугите на Банката како и редовни парични и шалтерски операции.

Потребни квалификации и карактеристики:

• Завршено високо образование од областа на економските науки;
• Без работно искуство, или со работно искуство на иста или слична работна позиција до 3 години во финансиска институција – банка;
• Познавањето на банкарските операции со готови пари, и искуство со контакт и комуникација со клиенти ќе се смета за предност;
• Познавањето на англиски јазик е задолжително, додека познавањето на турски и/или албански јазик ќе се смета за предност;
• Ориентираност кон клиенти;
• Ориентираност кон маркетинг и промоција на продуктите на Банката;
• Одлични комуникациски вештини и одржување на одлични односи со клиенти;
• Висок степен на чесност, етичност и доверливост;
• Усогласеност со законската и интерна регулатива и почитување на зададени рокови;
• Високо ниво на аналитичност и прецизност во секојдневното извршување на работни задачи;
• Способност за тимска работа;
• Ориентираност кон решавање на проблеми и критичко размислување;
• Професионален изглед и однесување;
• Познавање и активна примена од најновите компјутерски технологии и информатички;
• средства кои се во широка употреба.

​Доколку сте заинтересирани за позицијата и ги исполнувате условите од огласот, аплицирајте најдоцна до 05.02.2020 година, на следниов е-маил: [email protected] со назнака: Референца Бр. 001/2020 – Референт за банкарски операции во Скопје.

За да аплицирате, потребно е да го доставите вашето резиме (CV) на англиски јазик со фотографија, мотивациско писмо и препораки. Со доставувањето на вашата апликација потврдувате дека прифаќате вашата апликација и лични податоци да бидат земени во предвид за идните потреби од нови вработувања на Банката во рок од 1 (една) година.

Само кандидатите кои ќе влезат во потесниот круг на селекција ќе бидат контактирани и повикани на тестирање и/или интервју.