Кларна е највредната европска финтек компанија

Кларна сега е официјално највредната европска приватна финтек компанија.

Шведската фирма за плаќање преку Интернет вели дека собрала 650 милиони долари за финансирање на акции, а проценетата вредност на фирмата сега е 10,6 милијарди долари.

Инвестицискиот циклус беше предводен од Silver Lake Partners, заедно со GIC, фондот за државно богатство на Сингапур, како и BlackRock и HMI Capital.

Кларна е претежно позната по својот модел „купи сега, плати подоцна“, кој на клиентите им нуди бескаматно финансирање на набавки со рати.

Кларна му плаќа на трговецот кога клиентот ќе купи нешто користејќи ја неговата платформа, додека клиентите подоцна се фактурираат на повеќе рати.

Нејзините регионални конкуренти вклучуваат апликација за банкарство во Велика Британија Revolut и производител на софтвер за плаќање Checkout.com.

До денес, апликацијата „Кларна“ има повеќе од 12 милиони активни корисници месечно низ целиот свет, со 55.000 дневни преземања. Компанијата тврди дека е скоро три пати повеќе симната од нејзиниот најблизок конкурент во текот на минатата година.

Прочитај повеќе за Финтек