ПОВЕЌЕ

    За идните студенти на Бреинстер Некст колеџ: „Студирај сега, плаќај по вработувањето“

    Време зa читање: 3 минути

    Студии без трошоци сѐ до вработувањето овозможува Бреинстер Некст колеџ, првиот акредитиран практичен ИТ-факултет. „Студирај сега, плаќај по вработувањето“ се однесува за кандидатите што ќе се запишат на додипломските студиски програми.

    Со ова, Бреинстер Некст колеџ продолжува со својата инвестиција од 2,5 милиони евра, чија реализација започна лани. Целта е секој студент за нула денари да добие квалитетно, практично и иновативно високо образование. Се до дипломирањето и вработувањето.

    Тестот за компетенции, како основен услов за студентите да се стекнат со оваа поволност е веќе отворен и ќе биде достапен до 22 мај. Важи за упис и на двете студиски програми – Софтверско инженерство и иновации и Примена на информациски технологии – дигитален дизајн и интерактивни технологии.

    „Главниот мотив за оваа инвестиција и поволност е да помогнеме да се тргне примарната грижа на студентите и нивните родители при одлуката за избор на студии – а тоа се финансиите. Станува збор за уникатен модел на финансирање чија примарна цел е најспособните студенти, без разлика на нивните финансиски можности, да добијат можност за врвно апликативно образование кое ќе води кон сигурно вработување и кариера од иднината“, вели Александар Клашниновски, генерален менаџер на факултетот.

    Тој додава дека факултетот кој е основан од Бреинстер, не користи стандарден приемен испит и дека уписот не се базира на рангирање и пресметки за минатиот труд на кандидатите, туку на компетенции, способности, афинитети и желба да се постигне повеќе и да се напредува.

    Бреинстер Некст колеџ нуди две студиски програми кои носат 180 ЕКТС, а местата се ограничени со цел работење во мали групи и посветување соодветно внимание на секој студент. Лани на Софтверско инженерство и иновации се запишаа 46 студенти, а годинава факултетот ја подготви и новата програма за UX/UI и графички дизајн која е во процес на акредитација.

     

    Повеќе информации за факултетот може да се најдат на ЛИНКОТ, а тестот за компетенции е достапен ТУКА.

    14,794Следи нè на facebookЛајк

    слично