Аналитика
Ротари Клубот Скопје Север го промовираше Дигиталниот прирачник „Паметно со парите” наменет за млади и сите оние кои сакаат да се запознаат повеќе со основните финансиски концепти важни за финансиска инклузија. Прирачникот опфаќа четири главни теми: „Паметно банкарство”, „Лично буџетирање”, „Инвестирање„ и „Даноци”.
Во рамки на темата „Паметно банкарство” опфатени се најглавните банкарски производи со кои се среќаваме на секојдневна основа: трансакциски сметки, дебитни картички, кредитни картички, дозволено пречекорување на трансакциска сметка, како и депозити, кредити и алатки за електронско, мобилно и СМС банкарство.
Темата „Лично буџетирање” опфаќа повеќе совети како да се испланира личниот буџет со цел да се постигне финансиска одржливост, безбедност и раст. Овој дел содржи и пример за личен буџет кој претставува добра алатка за сите кои сакаат подобра финансиска дисциплина.
Во рамки на темата „Инвестирање” опфатени се видови инвестирање според типот на инвестицијата, приносот, како и најновата форма на ESG инвестирање, каде целта е остварување финансиски принос преку истовремено позитивно влијание на животната средина.
Темата „Даноци” ги опфаќа основните податоци поврзани со даноците, преглед на бруто и нето плата изразен преку пример, објаснувања кои сѐ приходи подлежат на оданочување и како да се избегне двојно оданочување за приходи остварени во странство.
Прирачникот е достапен на следниот линк:
https://qrco.de/be7m75https://qrco.de/be1kAV
