БЕРЗА: Вкупните добивки и загуби на котираните друштва поголеми од лани

Македонска берза го објави извештајот за добивките и загубите на котираните друштва, согласно нивните финансиски извештаи за првото полугодие од годинава и од минатата година. Според податоците, овие друшта зеднички создале и поголема добивка и поголема загуба во однос на истиот период лани.

Во првото полугодие од годинава со добивка биле 72 котирани друштва, додека ланското прво полугодие со загуба го завршиле 67 котирани друштва. Соодветно на овие бројки, годинава имало и помалку фирми што полугодието го завршиле со загуба во однос на лани. Така, за 6 месеци, во загуба влегле 19 фирми кои се котирани на Македонската берза, а лани, во истиот период загуба имале дури 24 компании.

На берзата може да се видат финансиските резултати за 91 котирано друштво.

Вкупен број на компании со добивки и со загуби

Податоците покажуваат дека во првото полугодие од 2022 година, заедничкиот профит на овие 72 компании е 154,2 милиони евра. Минатата година, во истото полугодие, заедничкиот профит на 67 компании со добивка е 142,3 милиони евра.

Од друга страна, иако годинава има помалку компании во загуба, нивната заедничка загуба е поголема од ланската. Годинава 19 компании кои биле во загуба креирале негативен резултат од  12,8 милиони евра. Лани, 24 компании заеднички создале минус од 6,9 милиони евра.

Вкупни добивки и загуби

Најголема промена, според податоците на Македонската берза, има кај „Транскоп“ од Битола. Разликата во добивката во првото полугодие од годинава , во однос на ланското е 19.062%. Односно лани компанијата остварила нето-добивка од 8.000 денари, а годинава имала добивка од 1.533.000 денари.

Најголема промена

Најголема добивка меѓу котираните друштва има Стопанска банка АД Скопје. Нејзината добивка, во првите 6 месеци од годинава е 23,8 милиони евра. Минатата година, Банката направила добивка од 17,8 милиони евра, што значи дека годинава имаме раст од 33,9%.

Најголема добивка

 Најголема загуба годинава, во првите 6 месеци, има направено компанијата од металната индустрија „Либерти“. Нејзината загуба била 4,56 милиони евра. Лани пак, компанијата првото полугодие го завршила со добивка од 9,7 милиони евра.

Најголема загуба

Преземањето на авторски содржини (текстови и фотографии) од оваа страница е дозволено само делумно и со ставање на хиперлинк до содржината што се цитира.