Аналитика
На 15.144 тутунопроизводители денес им се исплатени 2.028.714.243 денари субвенции за произведен и предаден тутун од реколта 2025 година, информираат од Министерството за финансии.
„Со исплатата се потврдува определбата на Владата за континуирана и навремена поддршка на земјоделството како една од клучните стопански гранки во државата, со посебен фокус на тутунарството како стратешка и традиционално значајна земјоделска дејност“, наведено е во соопштението.
Исто така, се додава дека со редовната и навремена исплата на субвенциите се создаваат услови за поголема финансиска стабилност на земјоделците, одржување на производството и понатамошен развој на руралните средини.
„Владата и Министерството за финансии остануваат посветени на политики кои ќе придонесат за поголема конкурентност на домашното земјоделство, повисоки приходи за земјоделците и одржлив развој на аграрниот сектор“, пишува во соопштението.
