,,ПАРИ” ДЕНЕС: НЕ УСПЕАА ДА ПРЕЖИВЕАТ- ТОП 5 ГРАДОВИ ПО ЗГАСНАТИ ФИРМИ ВО МАКЕДОНИЈА

Во првите 6 месеци од годинава не успеале да преживеаат 4.874 фирими. Ако се спореди со лани, податоците покажуваат дека оваа година е поповолна. Минатата година во првото полугодие од годинава, според податоците од платформата БизнисМрежа.мк, клуч на врата ставиле 5.022 компании.

Оваа година има пополовен економски амбиент во однос на минатата година, па и податоците за згаснатите фирми се подобри, како што можеше и да се очекува.

ФЕВРУАРСКИ „МОМЕНТ НА ВИСТИНАТА“

Економските текови се одрзуваат на ликвидноста на компаниите, а оние кои ја губат, едноствно банкротираат. Во февруари се гледаат многу текови од преходниот период. Тогаш се случува и бришењето од страна на Централниот регистар кога тој по сила на закон ги „гасне“ компаниите кои не се активни. Станува збор за регулатива од член 552 од Закон за трговски друштва, според која се бришат фирмите кои не доставиле годишна сметка и финансиски извештаи за последната деловна година до последниот работен ден од тековната година, или не пријавиле упис на адреса на електронско сандаче, или не уплатиле основачки влог во пропишаниот рок.

Она што пореално го покажува трендот за опстојување на фирмите годинава, се податоците за вториот квартал.  Според нив, во месеците април, мај и јуни оваа година, згаснати се 954 компании, додека лани, истиот период, биле згаснати 1.025 компании.

Сепак, стопанствениците алармираат дека ликвидноста на компаниите е влошена и не се оптимисти.

НЕСЛАВНА ЛИСТА НА ТОП 5 ГРАДОВИ ПО ЗГАСНАТИ ФИРМИ

Минатата година, во првите 6 месеци, ТОП 5 градови по згаснати фирми биле: Скопје , Битола , Тетово, Гостивар и Куманово. Годинава, тоа се: Скопје, Тетово, Куманово, Гостивар и Прилеп.

Извор: БизнисМрежа.мк

Очкувано, најмногу фирми згаснале таму каде што има и најголема економска активност – во Скопје. Во првите 6 месеци од годинава, во Скопје, клуч на врата ставиле 1.766 фирми, или 36,2 проценти од вкупно згаснатите фирми во овој период. Минатата година пак, за 6 месеци, во престолнината, згаснале 1.935 фирми.

ТРГОВИЈАТА ОСТАНУВА ДЕЈНОСТ СО НАЈМНОГУ ЗАТВОРАЊА

Анализата на „Пари“ покажува дека и годинава, како и лани, најмногу затворања има во истите сектори: трговија, преработувачка индустрија, угостителско-хотелирскиот сектор, градежништво и во тренапорт и складирање.

И во првото полугодие од 2022 година најмногу затворања, како и во првите 6 месеци од 2021 година  има во секторот „Трговија на големо и трговија на мало; поправка на моторни возила и мотоцикли“. Годинава, во овој сектор згаснале 1.569 фирми, а лани во истиот период – 1.622 фирми.

На второ место лани бил угостителско-хотелиерскиот сектор, а сега е преработувачката индустрија со 584 згаснати компании. Лани, во првите 6 месеци, во преработувачката индустрија згаснале 543 компании.

Годинава угостителско-хотелиерскиот сектор се нашол на третото место на неславната листа на затворени фирми, таму каде што лани беше преработувачката индустрија. Годинава во секторот „Објекти за сместување и сервисни дејности со храна“ згаснале 515 фирми. Лани во овој сектор згаснале 604 компании.

Градежништвото, и во првото полугодие лани, и годинава, е на 4-тото место по згаснати фирми. Лани биле згаснати 397, а годинава – 359.

Иста пета позиција задржал и секторот транспорт и складирање. Годинава, за 6 месеци во овој сектор згаснале 344 фирми, а лани, во истиот период – 386.

ТОП 5 ДЕЈНОСТИ СО ЗГАСНАТИ ФИРМИ ВО ПРВОТО ПОЛУГОДИЕ ОД 2022

Извор: БизнисМрежа.мк

ЧИТАЈТЕ УШТЕ

Новиот депозит на Стопанска банка Битола со највисока камата од 4 отсто за депозит орочен на 24 месеци

ПОЧЕТНА НЕТО ПЛАТА: 40.700,00 денари – Комерцијална банка има потреба од Стручен соработник за односи со клиенти

Пентагон токми договор за купување на борбени авиони Ф-35 за 30 милијарди долари

Доларот опаѓа, еврото покажува знаци на опоравување: Американскиот долар продолжи да опаѓа во средата, додека еврото го продолжи својот отскок во текот на ноќта по олеснувањето дека Европа може да ги избегне најлошите стравови во врска со недостигот на енергија и на шансата на Европската Централна банка да испорача поагресивно зголемување на каматните стапки.

Повеќе на Пари АКТУЕЛНО