Аналитика
Односите меѓу Европа и Кина, економски и културно, достигнаа неверојатни височини од влегувањето на Пекинг во Светската трговска организација во 2001 година.
По повеќе од десет години постојан раст, директните странски инвестиции на Кина (СДИ) во Европа опаѓаат. Велика Британија беше најважната дестинација за кинеските пари, но поради големината на нејзините економии „скокнаа“ земјите како Финска, Португалија, Луксембург и Малта, пишува порталот Нова.рс.
Вкупната странска инвестиција на Кина во европските земји, во периодот од 2000 до 2019 година, се мери во милијарди долари, со Британија во која беа инвестирани 50 милијарди, Германија со 22,7 милијарди и Италија со 15,9 милијарди долари.
Додека големите европски економии како британската или германската, традиционално беа мета на кинески инвеститори, во последните години Кина се сврт кон нордиските земји како што се Финска и Шведска.
Финска е петта на листата земји со најмногу странски кинески инвестиции со 12 милијарди долари, а две места подолу е Шведска со 7,3 милијарди.
Европските инвестиции во Кина
Економските односи се двонасочни. Исто како што Кина инвестира во Европа, така и Европа инвестира во Кина. Кога станува збор за директните европски инвестиции во Кина, водат силите на ЕУ како Германија (16,7 милијарди) и Франција (12 милијарди). Но, интересно, нив ги следат „мали играчи“ како Шведска (8,4 милијарди), Луксембург (7,1 милијарди) и Ирска (6,75 милијарди).
Покрај тоа, според „Политико“, трговските односи меѓу Европа и Кина со текот на времето се зајакнати. Кинеската стока сочинува 19 проценти од увозот на ЕУ. Процентот е многу поголем во некои земји како Чешка и Луксембург.
Кина е исто така трета по големина извозна дестинација за стоки од ЕУ по САД и Велика Британија.
Увозот од Кина во Европа се мери во милијарди евра. Холандија е најголем увозник на кинеска стока со 88,4 милијарди евра, следена од Германија со 76,7 и Велика Британија со 54,19 милијарди евра. Кога станува збор за извоз на европски производи, најагилна е Германија со 96,28 милијарди милијарди, па следува Велика Британија со 33,94 и Франција со 20,96 милијарди евра.
