Аналитика
Неодамна разговаравме со Фросина Мешкова, водечки технички експерт на Академијата Винчини на Макпрогрес, каде разговаравме за важноста на управувањето со тоталниот квалитет (TQM), пристапот на Six Sigma и општествената одговорност на компанијата. Фросина, исто така, даде неколку согледувања во врска со создавањето на нејзините две почетни деловни активности, како и растечкиот успех на Академијата Винчини и Макпрогрес.
Фросина Мешкова е родена и израсната во Охрид, a својата универзитетска диплома ја доби на Технолошко-металуршкиот факултет на Универзитетот „Свети Кирил и Методиј“, Скопје, каде за време на студиите работеше и како демонстратор на факултетот, бидејќи целта и беше да ја продолжи својата кариера на академското поле.
Наскоро по завршувањето на студиите, на Фросина и беше понудено работа во одделот за контрола на квалитетот во Swisslion, меѓународна компанија која се фокусира на производство на кондиторски производи. Сепак, таа брзо сфати дека и недостасува знаење за деловна администрација и економија. Ова ја натера да продолжи со МБА, аплицирајќи за стипендија на Бизнис школата АЛБА во Атина, Грција. Стипендијата ја понуди Титан Усје Цементарница Скопје, која е подружница на меѓународната компанија Титан С.А., како дел од нивната програма за социјална одговорност. Таа наведува дека „МБА дипломата беше веројатно најдобриот додаток во мојата инженерска кариера, бидејќи ми помогна подоцна да извршувам разни менаџерски позиции“.
Подоцна, Фросина стана менаџер за истражување и развој во Swisslion, интересна, но сепак предизвикувачка позиција што и даде увид во развој на нови производи и управување со инвестициски проекти. Во 2010 година беше унапредена во извршен директор на компанијата, која исто така ги консолидираше своите пет подружници во Македонија. Во следните 5 години, Фросина управуваше со консолидиран бизнис од 30+ милиони евра. Таа наведува дека „ова беше предизвикувачко, но истовремено и инспиративно искуство“.
Фросина подоцна напредуваше во позицијата генерален директор за технологија во Swisslion, што меѓу другите одговорности вклучуваше интеграција на производните процеси и сите оддели за поддршка во SAP. Во 2018 година, откако ги достигна сите потенцијали во рамките на „Swisslion“, таа одлучи целосно да им го посвети своето време на своите двa стартапи.
Компанијата каде Фросина е сопственик, се фокусира на производство на сосема безопасни, како за корисниците, така и за животната средина, средства за дезинфекција за општа употреба. Бизнисот на компанијата е врз основа на патентирана технологија за производство на такви средства за дезинфекција. Втората компанија, основана од Фросина и нејзиниот деловен партнер, е иновативна компанија поддржана од Фондот за иновации и технолошки развој. Со значителен грант од Фондот и сопствен придонес, Фросина и нејзиниот деловен партнер успеаа да го зголемат капиталот на компанијата 20 пати во првите две години од работењето. Патентираната технологија и патентираната опрема дизајнирана од двајцата партнери се користат за произвoдство на прехранбени производи за збогатување и дополнување на калциум и колаген со употреба на отпад од лушпа од јајца (одржлив извор на суровини.
При создавањето на нејзините два стартапи, за Фросина, најважните аспекти беа одржливоста на бизнисите и дополнителната придобивка од производите за крајниот корисник.
„Навистина, управувањето со меѓународна компанија и водењето свои стартап компании е значително различно, единствените вообичаени работи се страста, мотивацијата и напорната работа кои се клучни за успехот“.
„Она што навистина ме мотивира е процесот на претворање на идејата во реалност, процесот на развој на нешто (крајниот производ) од ништо (само збир на суровини). И ако го додадете целиот креативен процес, влијанието што производот го има врз заедницата и околината, тогаш мотивацијата преминува во нагон кој е надмоќен.“
Идните аспирации на Фросина се базираат токму на она што ја мотивира. „Се надевам дека никогаш нема да престанам да создавам нови можности што се во согласност со моите вредности и мојата страст, знаење и искуство за поддршка на другите за да ги постигнат своите цели“.
Фросина, како водечки технички експерт на Техничките обуки на Макпрогрес, како дел од Академијата Винчини, можете ли да ни дадете свое видување за вашата работа со Макпрогрес?
Да се има можност да се работи на овој проект за компанија Макпрогес е чест и вистинско задоволство. Бидејќи сум во кондиторската индустрија 13 години, се информирав за компаниите во овој сектор. Напредокот што Макпрогес го постигна во изминатите 10 години е навистина извонреден. Фондацијата Прогресив Академија заедно со Академијата Винчини е црешата на врвот и ги сумира корпоративните вредности и мисијата на Макпрогрес.
Градењето цврста основа на Академијата Винчини, насочена кон техничка обука за потребите на вработените во Макпрогрес е клучна за успехот на Академијата и е многу важна за тоа како ќе биде перцепирана од стејкхолдерите.
Влијанието на Прогресив Академија врз локалната заедница беше огромно. Другото, позначајно влијание ќе биде како оваа успешна приказна ќе влијае на другите компании во различни индустриски сектори, да го усвојат образовниот пристап, овозможувајќи им на вработените и заедницата каде што работат да напредуваат. Всушност, „butterfly effect“ на оваа успешна приказна ќе има најголемо влијание во деловното опкружување во Македонија и поширокиот регион.
Кој е вашиот пристап за оптимизација на производот? Како пристапувате или го користите менаџментoт со тотален квалитет (TQM), и како овој пристап на управување влијаеше на вредноста од вашето искуство?
И покрај тоа што оптимизацијата на производот звучи како само намалување на трошоците, тоа е многу повеќе од тоа. Оптимизацијата на производот започнува уште пред да се започне процесот на производство. Почнува од процесот на планирање на инвестицијата во смисла на избор на вистинска локација, енергетски ефикасна зграда и енергетски ефикасна опрема, обука на вработените, соодветен проток на процеси, правилни суровини, прецизна контрола на квалитетот, ефикасни оддели за поддршка, добро поврзани и прифатени визија и мисија на компанијата, и споделени вредности. Тоа е навистина процес на кој му треба постојано внимание и континуирани подобрувања, што нè води до заклучок дека оптимизацијата на производот е процес кој не завршува.
Менаџментот со тотален квалитет е структурирана патека кон успешна компанија. Многу успешни компании всушност работат според принципите на TQM, иако тие не го дефинираат како TQM. Разбирањето на TQM пристапот и неговото методично спроведување дефинитивно ќе ви помогне да го достигнете посакуваното ниво на успех многу побрзо и ќе помогне тој успех да остане одржлив. Во овој момент, каде што секој бизнис се натпреварува на меѓународниот пазар и каде економијата е толку непредвидлива, единствениот начин за одржување на вашата деловна активност е преку примена на современи техники на управување, базирани на TQM.
Спротивно на тоа, дали го искористивте пристапот Six Sigma за да го подобрите производството на висококвалитетни производи? И, како може овој пристап да се искористи од другите бизниси за да се намалат трошоците и да се помогне во транзиција кон зелена економија во Македонија и поширокиот регион?
Метотодот Six Sigma потекнува од терминологија поврзана со статистичко моделирање на процесите на производство, а неговиот фокус е насочен кон отстранување на дефектите и намалување на варијациите, односно подобрување на процесите. За да подобрите нешто, најпрво треба да имате големо знаење во врска со таа одредена ставка или производ, па дури тогаш, од суштинско значење е да започнете да размислувате за процесот на подобрување.
Деталното познавање на вашите процеси ќе ви даде можност лесно да откриете проблеми или елементи на кои им треба подобрување. Производителите кои сакаат да испорачаат висококвалитетни производи или услуги што е можно поефикасно, го идентификуваат отпадот како непријател на секој успешен бизнис. Поконкретно, експертите ги идентификуваа 8-те отпадоци, со што оттаму се фокусираа на управувањето со отпад. Управувањето со отпад, меѓу другото, вклучува намалување на дефектните производи, оптимизација на производите и намалување на остатоците во производствениот процес и можностите за рециклирање на отпад. Имајќи го тоа предвид, пристапот Six Sigma дефинитивно може да им помогне на компаниите да ги намалат трошоците и да преминат на еколошки свесни практики.
Како компаниите и деловните субјекти можат да го оптимизираат управувањето со нивниот синџир на снабдување на начин што ја подобрува нивната општествена одговорност на компанијата?
Управувањето со синџирот на снабдување е многу комплициран процес бидејќи вклучува многу меѓусебно зависни процеси. Колку повеќе внимание ќе се посвети на овие процеси, толку поефикасна ќе биде компанијата. Ерата на дигитализацијата нуди олеснување во целиот процес на управување со синџирот на снабдување, нудејќи многу софтвер и алатки за да се овозможи побрзо и подобро управување. Сепак, аспектот на корпоративната општествена одговорност при управувањето со синџирот на снабдување бара човечки допир, специфични корпоративни вредности и фокус кон општествената одговорност. Некои корпоративни општествени детерминанти може да вклучуваат: снабдување за локални добавувачи што е можно повеќе, вработување од локалната заедница, сортирање и рециклирање на отпад, намалување или елиминирање на загадувањето на воздухот, загадување на водата и земјата, обновливи извори (рециклирање на вода, обновување на енергијата, зелена енергија), политика за енергетска ефикасност, воведување политика што не е ГМО, политика на фер трговија итн.
Интерјуво е превземено од консултантската компанија PrimePoint Partners.
