Аналитика
Винер – Виена Иншуренс Груп АД Скопје и официјално се присоедини кон Македонија oсигурување АД Скопје – Виена Иншуренс Груп. Со статусните промени се прави и универзален пренос на целокупниот имот, правата и обврските.
Со информацијата објавена на Македонска берза, Македонија осигурување ги известува акционерите и инвеститорската јавност дека Спогодбата за присоединување е потпишана денес.
„Ве известуваме дека на ден 20.12.2023 година се потпиша Спогодба за присоединување со која Винер – Виена Иншуренс Груп АД Скопје, како Друштво што се присоединува, се присоединува кон Македонија oсигурување АД Скопје – Виена Иншуренс Груп, како Друштво што презема, со универзален пренос на целокупниот имот и правата и обврските на ВИНЕР – Виена Иншуренс Груп АД Скопје во замена за акции издадени од Македонија oсигурување АД Скопје – Виена Иншуренс Груп, во согласност со позитивното законодавство. По завршување на постапката за статусни промени Винер – Виена Иншуренс Груп АД Скопје престанува да постои без ликвидација“, се наведува во информацијата.
