Аналитика
На 5 ноември 2020 година ТТК Банка АД Скопје свечено ја отвори својата нова експозитура во центарот на Кавадарци, на ул. „Илинденска“ бр. 76-г.
На новата локација, ТТК Банка АД Скопје ќе им овозможи сеопфатни банкарски услуги на физичките и правни лица. Експозитурата ќе работи секој работен ден, од понеделник до петок, со работно време од 8:00 до 16:00 часот. Во рамките на експозитурата ќе функционира и банкомат 24/7.
„Нашата цел е да бидеме поддршка на граѓаните и бизнисите во реализацијата на нивните планови. ТТК Банка АД Скопје настојува, во рамките на својата понуда, да обезбеди што е можно подостапно и покомфорно извршување на банкарските трансакции. Отворајќи експозитура во Кавадарци, според најсовремените стандарди на банкарскиот бизнис, правиме чекор во таа насока. Отсега понудата на кредитни и депозитни производи на ТТК Банка АД Скопје со конкурентни услови ќе им биде достапна и на граѓаните во Тиквешкиот регион, регион со богата винска традиција. За малите и средни бизниси настојуваме да обезбедиме најдобра можна услуга и тоа не само при финансирање на нивните бизнис проекти туку и во делот на работа со платните промети.’’- истакна Претседателот на Управниот одбор на ТТК Банка АД Скопје, д-р Драгољуб Арсовски.
По повод отворањето на експозитурата, ТТК Банка АД Скопје подготви изненадувања за првите 100 корисници кои ќе отворат сметка, ќе ги активираат дигиталните услуги на Банката, електронското банкарство TTK E-bank и мобилното банкарство TTK M-bank, ќе аплицираат за кредит во новата експозитура или ќе отворат штеден влог. Високостручниот тим ќе понуди ефикасна и брза поддршка при изборот и користењето на финансиските производи и услуги што ги нуди Банката.
Корисниците имаат можност да аплицираат за кредитни производи со вклучено ризико кредитно животно осигурување, без надоместок за одобрување, со атрактивни фиксни каматни стапки, и тоа: СМАРТ ненаменски потрошувачки кредит со фиксна к.с. од 4,85% во првите 2 години од отплатата, СУПЕР станбен кредит со фиксна к.с. од 3,45% во првите 10 години, хипотекарен кредит со фиксна к.с. од 4,70% во првите 3 години; да аплицираат за одобрување дозволено пречекорување до три плати или до две пензии за приматели на плата/пензија во Банката; да ја изберат промотивната понуда ПРОМО ФИКС за штедење во денари и во евра за физички лица како и многу други поволности. Банката го овозможува користењето на електронското банкарство TTK E-bank и мобилното банкарство TTK M-bank без трошоци за активирање и месечно користење. На истата локација ќе биде достапна и услугата за брз трансфер на пари – MoneyGram.
Со отворањето на новата експозитура во Кавадарци, ТТК Банка АД Скопје ја прошири својата деловна мрежа на вкупно 29 локации, од кои 8 во Скопје, а останатите 21 надвор од главниот град.
Во 2019 година, ТТК Банка АД Скопје ги оствари своите најдобри финансиски резултати, а и во 2020 година продолжува со активна поддршка на физичките и на правните лица при остварување на нивните финансиски цели и потреби. Следејќи ги пазарните трендови во правец на постојаната и сè поприсутна веб-технологија, поедноставени, брзи, 24-часа достапни услуги, еден од главните приоритети на ТТК Банка АД Скопје останува постојаното вложување во новата технологија како и воведувањето нови функционалности и услуги.
