Стопанска банка АД Скопје продава недвижен имот

Скопската Стопанска банка објави дека продава недвижен имот, кој може да се плати во готово или на кредит. Се работи за деловни простории, куќи, објекти…

Деловен простор во Струмица на ул.Гоце Делчев бр.22 со површина од 43 м2 за минимална/почетна цена од 24.000 евра

1. Куќа во с. Бориево, Струмица со вкупна површина од 253м3 (ПР+01) со земјиште од 1.043 м2 за минимална/почетна цена од 36.000 евра
2. Фарма во с.Тркање Кочани запишана во ИЛ 1157 за КО Тркање со вкупна површина од 595 м2 со земјиште од 2.783 м2 за минимална/почетна цена од 39.000 евра
3. Објект за одгледување добиток во с. Бистрица, Битола, со површина во основа од 426 м2 и двор од 2,426 м2 за минимална/почетна цена од 12.500 евра
4. Деловен простор во с. Турново, Струмица на м.в. Турново 152 од 157 м2 и земјиште од 779 м2 запишан во ИЛ бр.700 за КО Турново за минимална/почетна цена од 6.500 евра
5. Две деловени простории во Скопје на ул. Пастер бр.3 (Палата Македонија) во подрум со вкупна површина 38 м2 за минимална/почетна цена од 21.000 евра
6. Деловени простории – магацини во с. Куклиш, Струмица со вкупна површина од 244 м2 на приземје за минимална/почетна цена од 34. Евра
7. Две куќи во Битола на ул. Кленоец бр.67, запишани во ИЛ 12300 за КО Битола 3, со површина од 88м2(ПР+01), односно 28м2 (ПР) за вкупна минимална/почетна цена од 18.000 евра
8. Стан во Пробиштип на ул.11 октомври бр. 4 кат 1 со површина од 48 м2 и подрум од 11 м2 за минимална/почетна цена од 15.000 евра
9. Недвижен имот во Скопје на ул. Ленинова број 10, на КП 5473, според Имотен лист број 97044 за КО Центар 1, во вкупна површина од 754 м2 во заедничка сопственост со Акционерско друштво за осигурување и реосигурување Македонија Скопје – Виена Иншуренс Груп.

Своето учество во сопственоста банката го продава за минимална/почетна цена од 300.000 евра.

Напомена: дополнителни 401 м2 се предмет легализација, а земјиштето под и околу објект е во сопственост на трето физичко лице.

Продажбата се врши по принципот видено-купено без допонителни приговори за било какви физички или правни недостатоци на имотот.

Од Банката појаснуваат дека во цената на имотите под точка 1, 3, 4, 5, 6 и 7 не е вклучен ДДВ од 18 проценти, кој го плаќа купувачот. На негова сметка се и данокот на промет на недвижности, како и трошоците околу преносот на правото на сопственост.

Доколку недвижниот имот се купува на кредит, понудувачот е должен пред доставување на понудата да ја утврди својата кредитна способност и за истата да достави потврда со доставената понуда.

Сите заинтересирани правни или физички лица за учество во купопродажбата треба да достават два поединечно затворени плика, од кои што едното плико (помалото) треба да биде затворено во другото плико (поголемото) при што:

Поголемото плико треба читко да биде адресирано до Стопанска Банка АД Скопје – Служба за управување со имот ул.11 Октомври бр.7, Скопје и да стои ПОНУДА за купување на недвижноста и референтниот број на огласот од насловот. Внатре во големото плико да се наведе:

Името и адресата на понудувачот и контакт телефон,

Документ за идентификација на понудувачот (доколку понудувачот е физичко лице – фотокопија од важечка лична карта или пасош, доколку понудувачот е правно лице – фотокопија од Тековна состојба од Централен регистар на РМ не постара од 6 месеци),

Потврда за уплатен депозит за учество на лицитација.

На помалото плико да биде напишано “ПОНУДА-НЕ ОТВОРАЈ”, а внатре да се наведе:

цената која се нуди за купување на недвижноста;

согласност за плаќање на ДДВ од 18%;

согласност за плаќање на данокот на промет на недвижности и трошоци за пренос на право на сопственост.

Заинтересираните купувачи при поднесување на понудата треба да уплатат на жиро-сметка на Банката 200000000099029 – МКД 113660111 со назнака: ,,депозит за учество на лицитација”, средства во износ од 2% од минималната/почетна цена за имотот со минимална/почетна цена над 150.000 ЕУР; 5% за имотот со минимална/почетна цена помеѓу 50.000 ЕУР и 150.000 ЕУР и 20% од минималната/почетна цена за имотот со почетна минимална цена под 50.000 ЕУР.

Уплатениот депозит на успешниот понудувач се смета како дел од уплатата на купопродажната цена.

Во случај избраниот купувач да се откаже од намерата за купување на недвижниот имот, откога ќе биде официјално информиран дека неговата понуда е прифатена, уплатениот депозит ќе биде задржан од страна на СБ.

Стопанска банка АД – Скопје го задржува правото да не прифати ниедна од доставените понуди за купување, односно да не склучи договор за купопродажба. Во тој случај депозитот за учество на лицитација ќе биде вратен на понудувачот во уплатениот износ.

Плаќањето на купопродажната цена на недвижниот имот се врши во денарска противвредност на еврото пресметана според  средниот курс на Народна банка на Република Северна Македонија на денот на плаќањето.

Рокот за доставување на Понудите е 29.03.2023година.

Дополнителни информации на телефон: 02/3295-487,  02/3295-283

Стопанска банка АД – Скопје