Аналитика
Стопанска банка ад Битола, Ве известува дека исплатата на финансиската поддршка од четвртиот сет мерки на Владата, согласно законот за финансиска поддршка на граѓани со низок доход, корисници на пензија, корисници на право на социјална сигурност на стари лица, млади лица, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници („Службен весник на Република Северна Македонија“ бр. 290/20 од 7.12.2020 година преку Стопанска Банка ад Битола ќе се врши од 23.12.2020 година и тоа на следниот начин :
1. Постоечки клиенти на банката кои имаат активни трансакциски сметки и дебитни картички средствата ќе може да ги користат во трговија преку своите картички од 23.12.2020 . Не е потребно да доаѓаат во експозитурите на Банката.
Доколку клиентите имаат трансакциска сметка во банката, но немаат ажурирани податоци согласно последниот важечки документ за идентификација ќе може да располагаат со средствата откако ќе извршат ажурирање на личните податоци во некоја од експозитурите на банката.
2. Клиентите кои немаат дебитни картички користењето на средствата ќе може да го регулираат во најблиската експозитура на банката почнувајќи од 23.12.2020 година.
3. Клиентите кои немаат трансакциски сметки во нашата банка, а се распределни од страна на Владата за прием на финанската поддршка во Стопанска Банка а.д Битола да се обратат од 23.12.2020 во најблиската експозитура на банката со цел отворање на трансакциска сметка и искористување на поддршката.
За користење на финансиската поддршка нема рокови и ограничувања.
