Аналитика
Прилепска Пиварница АД – Прилеп во работењето за период 01.01.- 30.06.2021 год. односно во првото полугодие од 2021 год. оствари приходи, расходи и финансиски резултат и истите ги искажа и објави во неревидиран Биланс на успех ( Извештај за сеопфатна добивка ), составен дел од Финансиските извештаи за првото полугодие од деловната 2021 год.
Во 2021 год. во Прилепска Пиварница АД Прилеп во целост се спроведувани сметководствените политики и методите на вреднување кои се применувани и во 2020 год. при што не се евидентирани промени во сметководствените политики и проценки, ниту во методите на вреднување на позициите во финансиските извештаи.
Во првото полугодие од 2021 год. остварен е вкупен приход во износ од 767.319 илјади денари кој во споредба со остварениот вкупен приход во истиот период од 2020 год. од 741.863 илјади денари покажува остварување од 103,43%. Во структурата на приходите најголемо учество имаат оперативните приходи од продажба од 752.925 илјади денари и учествуваат со 98,13%, па останатите приходи од 7.123 илјади денари кои учествуваат со 0,93% како и финансиските приходи од 7.272 илјади денари кои учествуваат со 0,95%.
Остварените вкупни расходи во првото полугодие од 2021 год. изнесуваат 707.977 илјaди денари и во споредба со остварените вкупни расходи во истиот период од 2020 год. од 691.335 илјади денари бележат зголемување од 2,41%. Во структурата на расходите поодделно по вредност и процент најмногу учествуваат следните расходи, со споредбени податоци за 2020 год., и тоа:
-Потрошените суровини и материјали од 311.310 илјади денари со реализирање од 104,0%, трошоците за услуги како материјални трошоци од 73.249 илјади денари со реализација од 96,0%, трошоците за вработените – за исплата на бруто плати од 71.907 илјади денари со реализирање од 95,0%.
Бруто платите се со реализација од 95,0% во споредба со лани што е доказ за спроведената стратегија во Друштвото да се задржуваат работниците и да не се намалуваат платите на вработените без оглед на присутната Ковид 19 пандемија и нејзиното деструктивното влијание врз работењето на Друштвото како и во целото општество.
-Расходот за амортизација изнесува 78.017 илјади денари со релизација од 91,0% во споредба со лани што укажува на успешното обновување на средствата на Друштвото така што во периодот се врши и престанување на пресметувањето на амортизација на отпишаните средста и се врши пресметување на амортизација на новите средства ставени во употреба.
Врз основа на вредноста на остварениот приход од работењето и остварените вкупни расходи во првото полугодие од 2021 год. Друштвото оствари позитивен финансиски резултат од 59.342 илјади денари и истиот е за 17,0% подобар споредено со остварениот резултат во истиот период од 2020 год.
Во првото полугодие од 2021 год., а врз основа на донесената одлука на Акционерското собрание на Друштвото добивката по оданочување за 2020 год. да се распредели за вложувања во нови инвестиции (реинвестирана добивка), не е вршена исплата на дивиденда по тој основ за таа и за претходните години.
Во текот на првото полугодие од 2021 год., како и во повеќе изминати години, Прилепска Пиварница АД Прилеп го продолжи позитивниот инвестициски циклус со вложувања во недвижности, постројки и опрема и нивно ставање во употреба со вкупна набавна вредност на завршени инвестиции и инвестиции во тек во износ од 35.209 илјади денари.
Прилепска Пиварница АД Прилеп во првото полугодие од 2021 год., како и во изминатите периоди, финансирањето на редовните и инвестициските активности ги покрива од сопствени извори ( од тековни парични средства и од претходно заштедени парични средства) поради што во финансиските извештаи не е искажана никаква кредитна задолженост.
Прилепска Пиварница АД Прилеп планот за работење и постигнувањето на финансискиот резултат за првото полугодие од 2021 год. го оствари на задоволително ниво со остварување на приходите од продажба зголемени за 4,0% во однос на лани, а кај расходите од работењето реализирањето е со пораст од само 2,41,0% во однос на лани, а што доведува до остварување на позитивен финансиски резултат односно зголемена добивка за 17,0% споредено со лани, видно од објавените финансиски извештаи. Очекувањата на Друштвото се дека, и покрај сложените услови за работа во тековниот и во идниот период до крајот на 2021 год., ќе продолжи успешното работење и остварувањето на уште попозитивен финансиски резултат.
