Аналитика
Кина ќе го заземе првото место од САД на листата на најголеми економии во светот до 2028 година, велат од Центарот за економски и деловни истражувања. Ова значи дека азиската економија може да стане најдоминантната економска моќ пет години порано отколку што се предвидуваше пред пандемијата.
Тие додаваат дека заслугата за нејзиното качување по оваа скала може да биде коронавирусот. Кина имаше добро управување со кризи и нејзината економија не беше толку ослабена од пандемијата, колку западните економии. Уште повеќе, најголемата азиска економија бележи значителен раст, додека повеќето од западните земји годинава ќе бидат во опаѓање.
Затоа Центарот предвидува дека кинеската економија во 2028 година ќе вреди повеќе во долари отколку американската, што е за половина деценија порано отколку што истата организација предвидуваше минатата година.
Се очекува да расте годишно помеѓу 2021 и 2025 година со просечна стапка од 5,7 проценти, а од 2026 до 2030 година со стапка од 4,5 проценти. За разлика од Кина, САД треба да имаат раст од 1,9 проценти помеѓу 2022 и 2024 година, што потоа може да падне на 1,6 проценти.
