Во неколку наврати ги имаме анализирано новооснованите компании преку нивниот избор за примарна банка, а денес продолжуваме со оваа категорија и тоа сегментирано само за третиот квартал од 2021 година. Извештаите кои се генерирани од платформата за бонитетни податоци на Бизнисмрежа.мк ќе бидат основа за извлекување на клучните елементи и анализирање на способноста на банките да апсорбираат дел од пазарот. Исто така, во оваа анализа ќе се осврнеме и на поединечни градови со цел да видиме дали трендот е генерален и дали се одвива процес на хармонизација на процесите.
Депонент банка | Вкупно субјекти |
---|---|
Халк Банка АД Скопје | 318 |
НЛБ Банка АД Скопје | 300 |
Комерцијална Банка АД Скопје | 277 |
Стопанска Банка АД Скопје | 212 |
УНИ Банка АД Скопје | 82 |
Шпаркасе Банка Македонија АД Скопје | 80 |
ТТК Банка АД Скопје | 52 |
Стопанска Банка АД Битола | 26 |
Прокредит Банка АД Скопје | 25 |
Силк Роад Банка АД Скопје | 23 |
Централна Кооперативна банка АД Скопје | 23 |
Капитал Банка АД Скопје | 3 |
Охридска Банка АД Скопје | 1 |
Непознато | 242 |
Вкупно | 1664 |
Од горната табела може да се забележи дека во третиот квартал во Македонија се отворени 1.664 нови компании, при што распределбата по основ на банки претежно се сведува на големата четворка: Халк Банка, НЛБ Банка, Комерцијална Банка и Стопанска Банка АД Скопје. Овие 4 банки заземаат 2/3 од пазарот, или 66.4% од новооснованите компании во трет квартал се одлучиле за соработка со најголемите банки во Македонија. Притоа лидер во привлекување нови компании , на ниво на Македонија е Халк Банка со 19.1%.
Депонент банка | Вкупно субјекти |
---|---|
Халк Банка АД Скопје | 19.1% |
НЛБ Банка АД Скопје | 18% |
Комерцијална Банка АД Скопје | 16.6% |
Стопанска Банка АД Скопје | 12.7% |
Од аспект на поединечни градови најголема активност, однос најмногу новоосновани компании има во Скопје, додека во топ 5 градови се уште Битола, Охрид, Тетово и Гостивар.
Депонент банка | Вкупно субјекти |
---|---|
Скопје | 713 |
Тетово | 87 |
Битола | 77 |
Охрид | 66 |
Гостивар | 58 |
Поединечно, внатре во секој град, постојат големи разлики во изборот на банка. Имено, во Скопје изборот паѓа врз Комерцијална Банка и Халк Банка кои привлекле по 144 нови компании. Во Битола трендот е 19 од новите компании да соработуваат со НЛБ Банка, додека во Тетово, мнозинството на новите компании (24) ја избрале Стопанска Банка Скопје. Од друга страна Халк Банка има доминантна позиција во Гостивар и Охрид, каде својата партиципација ја исполнуваат со 17 и 15 компании соодветно.
Депонент банка | Вкупно субјекти | Број на субјекти во банка |
---|---|---|
Скопје | Комерцијална Банка и Халк Банка | 144 |
Тетово | Стопанска Банка Скопје | 24 |
Битола | НЛБ Банка | 19 |
Гостивар | Халк Банка | 17 |
Охрид | Халк Банка | 15 |
Во другите поголеми градови како Куманово, Кавадарци и Прилеп компаниите се насочени кон Стопанска Банка Скопје и Комерцијална Банка.
Ваквата шареноликост е добар показател за успешноста на банките стратешки да го позиционираат својот бренд и да генерираат нови бизнис можности за cross sale кампањи. Генералниот заклучок е дека новите компании својата доверба им ја даваат на најуспешните банки по основ на профитабилност, како и на банките кои имаат најголема актива. Се разбира, за почит се и останатите банки од типот на Шпаркасе Банка и УНИ Банка кои полека но стабилно и значително пенетрираат со својот удел во вкупната распределба на “пленот”. Меѓутоа, чувството за стабилен партнер низ бурните времиња на стартап компаниите е од исклучителна важност во процесот на избор на банка, а големите банки имаат капацитет, инфраструктура и напредни технологии да ги сервисирааат и најпребирливите клиенти.
Редакција Пари