Гугл, Фејсбук, Твитер ќе се справат со дипфејк или ќе „јадат“ казни од ЕУ

Гугл, Фејсбук, Твитер и другите технолошки компании ќе мора да преземат мерки за да се спротивстават на длабоките фалсификати (deepfake) и лажните сметки на нивните платформи или ќе ризикуваат големи казни според ажурираниот Kодекс на практика на Европската Uнија, дознава Ројтерс.

Се очекува Европската Комисија во четврток да го објави ажурираниот Кодекс на практика за дезинформации како дел од нејзината борба против лажните вести.
Воведен во 2018 година, доброволниот кодекс сега ќе стане шема за корегулација, со заедничка одговорност меѓу регулаторите и потписниците на кодот.

Ажурираниот Кодекс наведува примери на манипулативно однесување како што се дипфејковите и лажните профили со кои потписниците ќе треба да се решат.

„Релевантните потписници ќе усвојат, зајакнат и имплементираат јасни политики во врска со недозволените манипулативни однесувања и практики на нивните услуги, врз основа на најновите докази за однесувањето и тактиките, техниките и процедурите (TTP) што ги користат злонамерните актери“, се вели во документот.

Дипфејкс се хиперреални фалсификати создадени со компјутерски техники кои предизвикаа тревога низ целиот свет, особено кога се користат во политички контекст.

Кодексот, исто така, ќе биде поврзан со строгите нови правила на ЕУ познати како Закон за дигитални услуги (DSA) договорен од 27-члената Европска унија претходно оваа година, кој има дел за борба против дезинформациите.

Всушност, компаниите кои нема да ги исполнат своите обврски според Кодексот може да се соочат со казни од дури 6% од нивниот глобален промет врз основа на правилата на DSA. Тие имаат шест месеци да ги спроведат своите мерки откако ќе се потпишат на кодексот. Потписниците, исто така, ќе треба да преземат мерки за да се справат со рекламирањето што содржи дезинформации и да обезбедат поголема транспарентност на политичкото рекламирање.

„ДСА обезбедува правен столб на Кодексот на пракса против дезинформации – вклучително и тешки санкции за одвраќање“, рече шефот на индустријата на ЕУ, Тиери Бретон, кој ја предводи борбата против дезинформациите во ЕУ, во изјава за Ројтерс.

Заменик-претседателката на Комисијата Вера Јоурова рече дека руската инвазија на Украина, беше повод за некои од промените во кодот. „Кога Кодексот ќе биде оперативен, ќе бидеме подобро подготвени да се справиме со дезинформациите, кои исто така доаѓаат од Русија“, рече таа во изјавата.