Маск: Во блиска иднина соларните покриви се очекува да станат важен производ на компанијата

Минатата година, Тесла ја претстави третата генерација на Соларен покрив, која е направена од црно стакло и може да се инсталира за само осум часа. Една година подоцна, сопственикот на Тесла, Илон Маск, тврди дека сончевите покриви можат да станат најважниот производ на компанијата во блиска иднина.

Во 2019 година, Маск посочи дека е потребно да се издвојат околу 34 илјади долари за нов соларен покрив, што, како што рече, е поповолно од тоа колку чини еден обичен покрив, и додаток во форма на соларни панели.

Во тоа време се планираше да се инсталираат околу илјада покриви неделно, а целта беше да се достигне бројката од 20 000. Покривите сè уште се достапни само во САД, а Маск пред една година вети дека производот ќе стигне и до другите делови на светот.

Тесла заработи значителна сума од соларни покриви во третиот квартал од оваа година, а се очекува бројката да се зголеми следната година. Оптимизмот не се крие и покрај фактот што последните месеци се зборуваше за одредени проблеми при поставување покриви, па останува да видиме дали станува збор само за маркетинг или дали покривите во 2021 година навистина ќе ја донесат најавената заработка.