Уникатна честитка од Бил Геjтс по повод 90ти роденден на неговиот пријател Ворен Бафет

Милијардерот Бил Гејтс на оригинален начин му го честиташе 90. роденден на Ворен Бафет, кој важи за еден од неговите блиски пријатели.

Гејтс зборува за заедничките интереси – љубовта кон математиката и броевите – и ги поврза со нивното пријателство.

Гејтс пресметал дека првпат се сретнал со Бафет точно пред 10.649 дена, односно на 5 јули 1991 година.

• 30: Број на години кои Ворен ги помина во спиењето во текот на животот
• 10.649: Денови од кога се сретнавме за прв пат, на 5 јули 1991 година
• 2: Телефонски броеви што ги имам со брзо бирање во мојата канцеларија – Мелинда и Ворен

Непресметливо: Влијанието што Ворен го има врз светот со тоа што се обврза да го врати буквално целото свое богатство на општеството.

„Ворен Бафет денес има 90 години. Тешко е да се поверува дека мојот близок пријател влегува во десеттата деценија“, рече Гејтс

Најважното нешто што Гејтс научил од Бафет е вредноста на пријателството, а тој укажа на еден цитат кој Бафет еднаш им кажал на студенти на колеџ.

„Се движите во насока на луѓето со кои се дружите. Затоа, важно е да се дружите со луѓе кои се подобри од Вас. Пријателите што ги имате ќе ве формираат додека минувате низ животот“, рече Бафет. „ Имајте неколку добри пријатели, чувајте ги до крајот на животот, но нека бидат луѓе на кои им се восхитувате.“