Аналитика
Тимот на Комерцијална банка одговорен за спроведување на ГЕФФ програмата и управителите на компаниите „Еуротерм“ од Прилеп и „Евротехника инженеринг“ од Кавадарци учествуваа на конференцијата „ЕБОР ГЕФФ – Позелен Западен Балкан“ што се одржа во Сараево.
„Зелената трансформација“ и енергетската ефикасност се наша цел и наша обврска, посочуваат од Банката. На конференцијата, заедно со клиентите на Банката, имале можност да се запознаат со најновите насоки од ГЕФФ за максимален ефект од оваа програма за финансирање на „зелената економија“ на Западен Балкан (WB GEFF).
На конференцијата со повеќе од 200 учесници се обележал успехот на GEFF Програмата, која Комерцијална банка активно ја спроведува и придонесува за подобра енергетска ефикасност на домаќинствата во земјава. Токму за тој придонес ѝ е доделена награда за вонредно постигнување.
Од Банката истакнуваат дека со „Еуротерм“ и „Евротехника инжинеринг“, како и ГЕФФ програмата на ЕБРД имаат иста цел – да им обезбедат финансиска и стручна поддршка и инструменти на граѓаните за да инвестираат во енергетска ефикасност, да ги намалат трошоците за енергија и да придонесат за почиста и поздрава околина.
„Токму затоа, информациите, искуството и контактите стекнати на конференцијата во Сараево ќе помогнат уште полесно да стигнеме заедно до оваа цел“, велат од Комерцијална банка.
