ТТК Банка известува за исплата на паричните права од социјална, детска и цивилна заштита од 6-ти септември 2021 година

ТТК Банка ги известува своите клиенти корисници на парични права од социјална, детска и цивилна заштита дека од 6.9.2021 година (понеделник) ТТК Банка АД Скопје ќе започне со исплата на паричните права од социјална, детска и цивилна заштита (сите парични права) за месец август 2021 година за корисниците кои ја примаат паричната помош на нивната денарска сметка во Банката.

Корисниците на Visa и Mastercard дебитните картички ќе можат да располагаат со средствата од 6.9.2021 г. (понеделник), преку мрежата на банкомати и во трговската мрежа, информираат од банката.

За корисниците кои немаат дебитни картички, исплатата во експозитурите и филијалите ќе се врши во согласност со утврдениот распоред, по азбучен редослед според првата буква од презимето и тоа:

• 6-ти септември (понеделник) – А, Б, В, Г, Д, Ѓ, Е, Ж, З, Ѕ, И, Ј, К, Л, Љ;
• 7-ти септември (вторник) – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.

Од ТТК Банка препорачуваат средствата да ги користите првенствено со безготовински плаќањa  во трговската мрежа, со плаќања преку електронското банкарство TTK E-bank или мобилното банкарство TTK M-bank, или да ги подигнувате без провизија со дебитните картички преку мрежата на банкомати на ТТК Банка АД Скопје.

Корисниците кои имаат бесконтактни Visa и Mastercard дебитни картички на ТТК Банка АД Скопје можат да ги користат средствата со безготовинско плаќање без внесување ПИН за износи до 4.500 денари, потенцираат од банката.

Во случај на неопходна посета на  филијалите и експозитурите на Банката  да се почитува редоследот на исплата по датум и азбучен ред како и превентивните мерки за заштита на јавното здравје (носење на заштитна маска, одржување на пропишаното минимално растојание и дезинфицирање на рацете), апелираат од банката.