„АЏИБАДЕМ СИСТИНА“ ДЕЛ ОД МЕЃУНАРОДНИОТ МЕДИЦИНСКИ КОНГРЕС ICRC 2026 ВО СКОПЈЕ

Доктори од Клиничката болница „Аџибадем Систина“ учествуваа на престижниот Интернационален конгрес на извештаи за случаи (International Case Report Congress  – ICRC) 2026, кој се одржа од 3 до 5 април во “Холидеј ин” Skopje. Овој меѓународен конгрес претставува значајна платформа посветена на реални клинички случаи, кои придонесуваат  за унапредување на медицинската практика. На настанот учествуваа: лекари, специјализанти, хирурзи, интернисти, радиолози и студенти од повеќе земји, споделувајќи искуства за комплексни дијагнози, ретки случаи и предизвици во третманот. Програмата опфати усни и постер-презентации, експертски предавања, дебати и интерактивни дискусии. Меѓу учесниците од нашата болница претставници што презентираа стручни трудови беа:

• прим. д-р мед. науки Бети Костадиновска-Јорданоска, специјалист по анестезиологија со интензивно лекување

“Хируршко водење на изолирана лева атријална метастаза од белодробен аденокарцином”

• д-р Дарко Бислимовски, специјалист по кардиохирургија

“Хируршка замена на аортна валвула по инфективен ендокардитис од ТАВИ-валвула

• д-р Димитар Јосифовски, доктор по општа медицина – специјализант по кардиохирургија

“TЕВАР со ин-ситу  фенестрација за заштита на левата супклавијална артерија”

• д-р Стефан Николов, доктор по општа медицина, специјализант по градна хирургија

“Избор на вистинското средство за работа”.

Со своето учество, лекарите од „Аџибадем Систина“ дадоа значаен придонес во размената на знаења и искуства со меѓународната медицинска заедница, потврдувајќи ги својата експертиза и посветеност кон современите медицински практики, информираат од болницата.