Од кои индустрии доаѓаат  тројцата милјардери во Европа?

Висока мода со елитни брендови и трговија се секторите од кои доаѓаат тројцата најбогати милјардери од Европа. Од вкупно 2.095 милијардери во светот согласно листата на „Форбс“, кои се наоѓаат на секој континент, најбогатите тројца милјардери од Европа се сопственици на брендовите „Луи Витон“, „Зара“ и германските супермаркети „Алди“.

Богатството на французинот Бернард Арно, се проценува на 76 милијарди долари. Тој е претседател и главен извршен директор на „ЛВМХ – Луи Витон“, најголемата светска компанија за луксузни производи. Во април 2018 година, тој стана најбогата личност во светот на модата, воедно Арно е и страствен колекционер на уметнички дела. Во рамките на групацијата ЛВМХ се наоѓаат модните имиња „Кристијан Диор“, „Фенди“, „Марк Обејкобс“, „Селин“, „Гинди“, „козметика Герлеин“, „Кензо“, „Фенти убавина“ од Ријана и уште многу други луксузни брендови. Поточно, над седумдесет различни брендови, претежно добро познати, но и оние кои штотуку се развиваат во идните луксузни икони се под капата на компанијата на Бернард Арно. Самиот Арно е главно и одговорен за вакво собирање на познати имиња под една матична компанија, со пазарна вредност од неколку милијарди долари.

Богатството на Аманико Ортега од  Шпанија, се проценува на 55,1 милијарди долари со што тој е на второто место на најбогати луѓе од Европа. Ортега е креаторот на модната марка „Зара“, основана во 1975 година со неговата тогашна сопруга, Росалија. Во 2016 година, Ортега го симна од првото место од листата на „Форбс“ основачот на „Мајкрософт“ Бил Гејтс, покажувајќи се побогат од него со 100 милиони долари. Овој 85 годишен магнат е познат по „љубоморната“ грижа за неговиот личен живот. Во својата кариера дал само три интервјуа. Живее во Ла Коруња со својата втора сопруга.

Бит Хејстер и Карл Албрајхт Јуниор се богатите наследници од Германија на познатиот милјардерот Карл Албрајхт кој го основаше ланецот на супермаркети „Алди“. Нивното богатство се проценува на 33,3 милијарди долари. Името на ланецот маркети, всушност е акроним од зборовите Албрехт и Дисконт, кој првично беше само мала продавница зад аголот на улицата во Есен, Германија, во сопственост на Ана Албрајхт. Денес повеќе од десет илјади продавници на „Алди“  работат низ целиот свет, со просечна годишна заработка од околу 60 милијарди долари. Во „Алди“ од самиот почеток се нудат производи по ниски цени поставени врз дрвени палети. Информациите за сопствениците на овие компании се исто толку ограничени како асортиманот на нивните продавници. Тоа отсекогаш било така, особено по киднапирањето на Тео Албрајхт во 1971 година. Семејството целосно се повлече и никогаш не даде никакво интервју или каква било изјава. Но, она што е познато е дека ова семејството  тежи 33,3 милијарди долари. Карл Албрајхт починал во 2014 година, четири години по неговиот брат. Неговите син и ќерка, Карл Џуниор и Бит Хејстер, го наследија својот дел од богатството и моментално се на чело на компанијата.