„Земјотрес во земјата на компјутерите“: Broadcom го купи VMware од 61 милијарда долари

Broadcom, гигантот за полупроводници соопшти дека се согласил да ја купи софтверската компанија VMware, во трансакција вредна 61 милијарда долари што ќе го промени огромниот пазар за компјутерска технологија на претпријатија. Двете компаниии се со седишта во Силиконската Долина во Калифорнија во САД.

Иако не вклучува познати медиумски имиња какви што се Илон Маск или Твитер, овој договор, кој ќе му обезбеди на Broadcom спопуларни компјутерски алатки што ги користат голем дел од корпорации, ќе биде втор по големина потег на купување на компанија во светот оваа година, по понудата од 75 милијарди долари на Microsoft за компанијата за видео игри Activision Blizzard, според податоците на Dealogic. Десетици милијарди долари се трошат секоја година за спојување меѓу многуте компании кои ги произведуваат технологиите што го напојуваат интернетот и големите корпоративни компјутерски мрежи.

Договорот со Broadcom е најновиот во серијата промени во сопственоста на VMware, пионерска софтверска компанија која помогна да се создадат некои од клучните технологии кои сега вообичаено се користат во облак компјутерите. VMware има повеќе од 500.000 клиенти ширум светот и ги брои како партнери сите главни провајдери на облак, вклучувајќи ги Amazon, Microsoft и Google.

Тоа го прави VMware ценет имот за главниот извршен директор на Broadcom, Хок Тан. Broadcom ќе потроши еквивалент на 138,23 долари по акција за VMware во договорот за готовина и акции, се вели во соопштението. Тоа е повеќе од 40 отсто повисоко од цената на акциите на VMware пред да почнат да кружат гласини за договор минатиот викенд.

VMware „го обезбедува водоводот за поголемиот дел од светот“, рече во интервју Денис Смит, аналитичар во Гартнер. Софтверот на VMware помага во управувањето со повеќе корпоративни информации од комбинираните јавни облаци на Амазон, Мајкрософт и Гугл – сите тие се бореа да донесат повеќе од тие податоци на нивните услуги, вели Смит.

Хок Тан беше еден од најуспешните сили во индустријата за чипови, сè додека претседателот Доналд Џеј Трамп не го блокираше предложеното преземање на Broadcom од 117 милијарди долари на производителот на чипови Qualcomm во март 2018 година врз основа на националната безбедност. Broadcom, кој во тоа време беше со седиште во Сингапур, го пресели своето седиште во Калифорнија.

Според договорот, CA и Symantec ќе станат дел од VMware, што ќе биде новото име на софтверскиот оддел на Broadcom. Дали Broadcom ќе му даде автономија на VMware во одлучувањето е „прашањето од 61 милијарда долари“, рече г-дин Смит.

Со својот таканаречен софтвер за виртуелизација, кој му овозможува на еден компјутер да дејствува како многу машини и во суштина го прави компјутерот поефикасно, VMware би бил предводник на Broadcom. VMware ја зајакна улогата на софтверот во центрите за податоци и го обнови начинот на кој организациите управуваат со нивните индустриски компјутери. Концептите позади технологијата на VMware беа основни за облак-компјутерот, кој зависи од виртуелизацијата.

VMware објави приход од 12,9 милијарди долари во последната фискална година, која заврши на 28 јануари. Тоа беше зголемување од 9 отсто во однос на претходната година. Таа стапка на раст беше многу побавна од облак-компјутерски гранки на Amazon, Microsoft и Google. Основана во 1998 година, пред бумот на облакот, VMware зависеше од клиенти кои сè уште работат со свои центри за податоци.