За 39 бизнис проекти – 12,7 милиони евра од унгарскиот кредот

Седмата транша во износ од 12,7 милиони евра, од кредитната линија за инвестиции и развој на компаниите, е канализирана кон деловниге банки. Исплатата ја изврши Развојната банка, а опфаќа 39 одобрени проекти на домашните компании.

Средствата од оваа транша се наменети за проекти на едно микро, 21 мали, за девет средни и за осум големи компании. За инвестиции во градежи и опрема наменети се 12,2 милиони евра, за инвестиции во обновливи извори на енергија 243 илјади евра, додека за инвестиции во транспортни средства 300 илјади евра. Од оваа транша најголем дел од средствата се наменети за 21 проект на компаниите со претежна производствена дејност.

Со оваа транша, Развојната банка досега исплатила вкупно 203,3 милиони евра кон деловните банки, од предвидените 250 милиони евра наменети за поддршка на стопанството преку кредитната линија за инвестиции и развој, со што се финансирани 721 проекти на домашните компании.

(Фото: Wikimedia Commons)