Волстрит падна и покрај позитивните пораки на ФЕД

И покрај пораката од Федералните резерви на САД дека каматните стапки ќе останат ниски уште долго, индексот Насдак падна, како резултат на притисок врз технолошкиот сектор.

DOW Jones зајакна за 36 поени или 0,13 проценти, и со тоа се качи на 28.032 поени, додека S&P 500 се лизна за 0,46 проценти, на 3.385 поени, а индексот Насдак 1,25 проценти, и со тоа е сега на 11.050 поени.

На самиот почеток на тргувањето, овие индекси беа во црно, а добивките се зголемија дури и по објавувањето на ФЕД од дводневната сесија.

Лидерите на централните банки одлучија да ги задржат клучните каматни стапки близу до нулата и рекоа дека каматните стапки ќе останат толку ниски дури и кога инфлацијата за некое време е над целта од 2 проценти.

Тоа беше прва седница на ФЕД, откако претседателот на централната банка Џером Пауел неодамна објави измени во монетарната политика што ќе ја направи банката поблага за инфлацијата и ќе и овозможи да се движи над целните нивоа за некое време.

Новите проекции покажуваат дека повеќето лидери на ФЕД очекуваат каматните стапки да останат ниски до најмалку 2023 година.