Фолксваген заработи 10,7 милијарди долари и покрај пандемијата

Германскиот производител на автомобили Фолксваген минатата година оствари профит од 8,8 милијарди евра, што е значително повеќе отколку што се очекуваше во годината што помина среде пандемијата.

Во соопштението се наведува дека Фолксваген презеде важни стратешки чекори за забрзување на пенетрацијата на пазарот во софтверот, дигиталната технологија и услугите. Компанијата ја зголеми тројно продажбата на електрични возила на 422.000, пренесува Анадолија.

Ова е важен чекор кон построгите ограничувања наметнати од Европската унија врз емисиите на јаглерод диоксид. Фолксваген минатата година беше за 37 проценти пониска отколку во 2019 година. Приходите од продажба паднаа за 11,8 проценти, на 222,9 милијарди евра. Продажбата според бројот на возила се намали за 16,4 проценти, на 9,2 милиони возила.

Повеќе финансиски детали ќе бидат објавени на 16 март на конференција објавена од Фолксваген. „Финансиските резултати што сега се достапни се далеку подобри од првичните очекувања и покажуваат дека ние сме способни да постигнеме големи резултати, особено во криза“, рече главниот финансиски директор Френк Витер.