Во винарската визба Тиквеш АД Кавадарци од продажба се слеале 31,5 милиони евра

Во 2021 година во работењето на Винарска визба Тиквеш АД Кавадарци се реализирани вкупни приходи од продажба во износ од 1,941 мил. денари т.е зголемување од 29% во однос на 2020 година. Зголемувањето на приходите се должи на зголемени приходи генерирани од домашниот пазар за 27% и од странските пазари за 31%.

Зголемените трошоци за продажба и маркетинг за 22% и останатите оперативни расходи за 36% резултираа со оперативна добивка од 183,2 милиони денари.

Финансиските расходи се зголемија за 13 мил. денари. Остварена е нето добивката од редовното работење пред оданочување во износ од 166 мил. денари и нето добивка по оданочување во износ од 144,4 мил. денари.

Во 2021 година за работењето во 2020 година не беа исплатени дивиденди.

Во 2021 година се остварија вложувања во материјални и нематеријални средства од 150,5 мил. денари. Значителен отпис (поголем од 30% од вредноста на средствата споредено со последните годишни ревидирани финансиски извештаи) не беше реализиран.

Во 2022 година, приходите од продажба се предвидени со раст од 14,4%. Во вкупната реализација во обем, домашниот пазар се планира да учествува со 41% додека извозните пазари да учествуваат со 59%. Согласно новонастанатата состојба на глобално ниво со коронавирусот, предвидувањата ќе претрпат промени.