Аналитика
И покрај интензивната потрага која трае веќе два дена во близина на брегот на Сицилија, се уште не се пронајдени телата на шестемина исчезнати од луксузната јахта Бејзијан која настрада во ненадеен удар на воден вител односно мини-торнадо во раните утрински часови во понеделникот. Како исчезнати се водат британскиот милијардер и тајкун Мајк Линч, неговата 18-годишна ќерка, но и претседателот на меѓународната банка Морган Стенли, Џонатан Блумер и адвокатот на Клифорд Ченс, Крис Морвило.
Од 22 лица кои биле на јахтата на Линч, 15 лица, меѓу кои и едногодишно бебе преживеале, шест се водат како исчезнати, а пронајдено е едно тело, за кое се верува дека е Рекалдо Томас, готвач на бродот, со канадско државјанство.
ДЕН ПРЕД ТРАГЕДИЈАТА ЗАГИНАЛ НАЈБЛИЗОК СОРАБОТНИК НА ЛИНЧ
Сите тие биле гости на јахтата каде се прославувала ослободителната пресуда на судот против Мајкл Линч, обвинет за корупција. Британските медиуми денеска потсетија дека кообвинетиот на британскиот технолошки тајкун Мајк Линч во истиот коруптивен судски случај – почина откако во него удри автомобил. Чембрлен почина само еден ден пред трагедијата во Сицилија, откако беше удрен од возилото додека трчаше во Кембриџшир во саботата.
Стивен Чембрлен (52) беше сообвинет на г-дин Линч во неговото судење за измама во САД во кое и двајцата беа ослободени по продажбата на софтверскиот гигант Автономија од 11 милијарди долари на компанијата Хјулит-Пакард.
Чембрлен починал во болница по несреќата на А1123 во Стретам во Кембриџшир во саботата околу 10:10 часот по средноевропско време.
Возачот на автомобилот, 49-годишна жена од Хаденхем, остана на местото на настанот и помага при увидот.
Чембрлен беше поранешен потпретседател за финансии во Автономија.
Пред неговото судење во САД, тој беше поранешен главен оперативен директор на британската компанија за сајбер безбедност Darktrace.
Во несреќата на Бејзијан исчезнал и претседателот на банкарскиот гигант Morgan Stanley International, Џонатан Блумер и неговата сопруга. Тие се меѓу шесте лица кои се уште се водат како исчезнати откако мега-јахта потона во понеделникот наутро во близина на брегот на Италија, според официјалните лица и извештаите.
Блумер и понатаму не е откриен откако луксузната едрилица од 184 стапки Bayesian се преврте со 22 лица кај пристаништето Портчело, откако беше погоден од торнадо, изјави Салваторе Кочина, шеф на агенцијата за цивилна заштита на Сицилија.
Италијанската агенција, исто така, потврди дека Крис Морвиљо, адвокат во британската адвокатска фирма „Клифорд Ченс“, која го застапувала Линч во случајот со голема измама во Калифорнија на почетокот на оваа година, исто така е исчезнат, објави „Гардијан“.
Морвило служеше како помошник американски адвокат за јужниот округ на Њујорк од 1999 до 2005 година.
ШТО СЕ СЛУЧИЛО СО ЈАХТАТА?
Од податоците кои досега се познати, суперјахта се превртела во близина на брегот на Сицилија откако торнадо ја погодило областа рано во понеделникот, убивајќи еден патник, а други пет се водат како исчезнати – вклучувајќи го и Мајкл Линч, технолошки тајкун познат како „Британскиот Бил Гејтс“, соопштија официјални лица.
Линч на патувањето поканил гости од правната фирма што го застапуваше, Клифорд Ченс и Инвок Капитал, неговата сопствена компанија, според Телеграф.
Со бродот кој пловел со британско знаме управувал капетанот Џејмс Катфилд, заедно со 15-те членови на екипажот. Торнадото удрило во понеделникот пред изгрејсонце.
Снимката од безбедносните камери снимени од 650 стапки од местото каде што потона Bayesian во понеделникот покажува дека бродот полека исчезнува.
Италијанските власти изјавија дека шансите исчезнатите патници да ја преживеат катастрофата се многу мали, но „никогаш не вели никогаш“.
