Во нетрговските трансфери најбројни акциите на „Алкалоид“ и „Либерти“

Акции – 4.872 обични и седум приоритетни ја смениле сопственоста преку нетрговските трансфери извршени во текот на минатата недела. Се работи за акции издадени од 15 компании и од две банки.

Петок предводи како ден во кои се трансферирани најголемиот дел од акциите, 2.677 на број. Според издавачот, меѓу подарените, наследените… акции најбројни се тие на „Алкалоид“, а веднаш зад нив на „Либерти“, покажуваат податоците на Централниот депозитар за хартии од вредност што ги објавува Македонска берза.

Акциите на најголемата македонска фармацевтска компанија биле во три наврати предмет на нетрговските трансфери, последователно во вторник, среда и четврток. Прво биле пренесени 80, па 1.116 и 200 обични акции. Вкупно 1.396 акции на „Алкалоид“.

На трипати е извршен пренос и на акциите на „Макпетрол“. Вторник 31, среда 22 и во петокот 53, или сѐ на сѐ 106 обични акции.

Акциите на Комерцијална банка, вкупно 147 минале низ два нетрговски трансфери. Во првиот на овој начин сопственоста е пренесена кај 143, а потоа на уште 4 обични акции.

Хартиите од вредност емитувани од „Либерти“ се чести во нетрговските трансфери. Минатата седмица се пренесени 1.194 обични акции, со што се второпозиционирани според бројноста.

Кога се гледа од тој аспект, следуваат 789 обични акции на „Гранит“,  328 на кумановски ФЗЦ „11 Октомври“, 303 на РЖ „Услуги“, 209 на „Макстил“ и 129 обични акции на „Оранжерии Хамзали“ АД Струмица.

Во групата со помалку од сто нетрговски пренесени акции се оние на Рудници „Бањани“ – 67, струмички „Кланица со ладилник“ – 49, „Уготур“ – 39, РЖ „Интер-Трансшпед“ – 37, РЖ „Економика“ – 35, „Окта“ – 30 и на РЖ „Техничка контрола“ – 14 обични акции.

Низ нетрговски трансфер минатата недела минале и 7 приоритетни акции издадени од Стопанска банка АД Скопје.