Во нетрговските трансфери доминантна акцијата на Комерцијална банка

Во скратената работна седмица од четири дена, со нетрговските трансфери биле опфатени вкупно 5.937 обични и една приоритетна акција на котирани друштва – девет компании и четири банки. Меѓу нив најбројни се хартиите од вредност издадени од Комерцијална банка.

Всушност, акциите на македонските банки често ги има во нетрговските преноси како подарок, наследство или нешто трето. Овојпат, во податоците од Централниот депозитар за хартии од вредност што ги објавува Македонска берза, застапени се четири, од кои Стопанска банка Скопје со една приоритетна акција. Сопственоста е сменета кај 823 акции на Стопанска банка Битола и 150 на ТТК банка.

Акцијата на Комерцијална во многу нешта поставува рекорди, а минатат недела и со нетрговските преноси. Вкупно се 2.219 акции, а трансферирани се на трипати: 543, па 126 и на крајот уште 1.550 обични акции.

Во три наврати е пренесена сопственоста на вкупно 1.018 акции на скопски „Алкалоид“. Во понеделникот 176, во средата 688 и во четвртокот 154 обични акции.

Низ два нетрговски трансфери минале и хартиите од вредност емитувани од „Гранит“. Прво шест, а потоа уште 313, или сѐ на сѐ 319 обични акции. Исто како и вкупно 222 акции на најголемиот дистрибутер на горива – „Макпетрол“ (221 + 1).

Понатаму, нетрговски е пренесена сопственоста на по 500 обични акции од „Либерти“ и од „АрцелорМиттал“ (ХРМ), кои исто така се често присутни во оваа активност.

Акции, пренесени 77 на број се од Винарската визба „Тиквеш“ АД Кавадарци, а 29 се од акционерското друштво за земјоделско производство – ГД „Тиквеш“ АД Кавадарци.

Од хартиите од вредност, пак, со знакот на тетовскиот „Тетекс“, нетрговски се трансферирани 50 обични акции, а од Прилепска пиварница АД Прилеп – 30 обични акции.