Аналитика
Топланата Скопје Север АД Скопје в среда ќе се понуди на продажба на јавна берзанска аукција. Од страна на продавачот Топлификација АД Скопје-во стечај ќе се понуди за продажба пакет од 77.414 обични акции издадени од Скопје Север АД Скопје што претставува 99,98% од основната главнина на друштвото. Почетна продажна цена од 780,00 денари по акција ќе биде преку моделот “се или ништо“. Тоа значи дека почетната цена на топланата ќе биде 982 илјади евра.
Според известуањето од Македонска берз на 02.11.2022 година (Среда), на барање на членката Комерцијална Банка АД Скопје, по пат на јавна берзанска аукција на акции при продажба на големи пакети на акции (согласно Анекс 4 од Правилата за тргување на Македонска берза АД Скопје) од страна на продавачот Топлификација АД Скопје-во стечај ќе се понуди за продажба пакет обични акции издадени од Скопје Север АД Скопје.
Топланите и без криза се жалеа дека едвај ги подмируваат трошоците, но откако цената на природниот гас руши рекорди овој бизнис снема економска исплатливост. Цената на гасот е висока, а од друга страна снабдувањето со топлинска енергија е регулирана бидејќи е од јавен интерес. Во вака ситуација прашање е дали некој воопшто би се нафатил да работи со бизнис кој носи загуби?
