ЧЕТИРИ БУГАРСКИ КОМПАНИИ ВО БИЗНИСОТ СО СТРУЈА, КАЈ НАС ЗАВРТЕЛЕ 92,5 МИЛИОНИ ЕВРА

Бугарските компании кои се сопственици на фирми во Македонија, најмногу пари вртат во бизнисот со струја. Ова е заклучокот до кој дојде порталот Пари, а врз основа на податоците од платформата на БизнисМрежа.мк за 10-те најголеми компании по приход кои што имаат најмалку 1 процент бугарски капитал и најмалку еден сопственик кој е од Бугарија.

Ова е очекуван податок ако се земе предвид дека Македонија е традиционален увозник на струја од Бугарија. Така, во првите 10 компании со бугарски сопственици, 4 се од енергетскта дејност. Најголемата по приход е  „ЕВН трејдинг“ чиј сопственик е бугарската фирма – „ЕВН трејдинг саут ијст јурап ЕАД“, дел од  австриската „ЕВН“. Потоа, тука се и македонската „Терна енерџи трејдинг“ која е во сопственост на бугарската компанија „Џи пи енерџи ЕООД“,  „Енерџи унид“ ДОО од Струмица чиј сопственик е Момчил Златков Драков,  како и подружницата во Македонија на бугарската „Соларпро холдиг“. Овие 4 компании, минатата година зааедно имале вкупен приход околу 92,5 милиони евра, притоа три компании биле во добивка, а „Терна енерџи трејдинг“ била во загуба. Добивката на „ЕВН трејдинг“ и на „Енерџи унид“ е сосема мала во однос на вкупниот приход, додека за македонската подружница на „Соларпро“ од Бугарија може да се каже дека остварила солидна добивка. Бугарската „Соларпро“ летово се спомена во јавноста и кога беше облелоденето дека таа ќе стане партнер на државата во јавно-приватно партнерство за фотоволтаичната електрана од 50 мегавати во Осломеј.

Бугарски компании во македонскиот енергетски сектор

Износите се изразени во евра | Извор: БизнисМрежа.мк

Редакција Пари