Аналитика
Во екот на студентските протести кои се шират низ српските градови, српскиот претседател Александар Вучиќ претстави програма за млади, која нуди субвенциониран пристап до поволни кредити за купување на станови токму за младата популација, односно за лица на возраст од 20 до 35 години.
Тој претходно најави дека се работи за план за решавање на станбените проблеми, а денеска дека максималната вредност на недвижниот имот за кој може да се земе кредит по таа програма е 100.000 евра.
Вредноста на програмата за станбени кредити за млади е 400 милиони евра, односно 5.500 станбени единици.
Станбени кредити за млади ќе можат да добијат студенти, но и невработени во Србија. Условот е тие да бидат државјани на Србија на возраст од 20 до 35 години, наведува тој.
Српскиот претседател Александар Вучиќ денеска изјави дека имплементацијата на програмата ќе започне во март.
Според програмата што ја претстави Вучиќ, условите за станбени кредити за млади се максималната вредност на недвижниот имот да биде 100.000 евра, а минималното учество е еден процент, за период до 40 години, а најмногу до 70 години, соопштија од претседател кој ја презентира програмата. Тој ја спомена и можноста за предвремена отплата.
„Доколку вредноста на имотот е 75.000 евра. Учеството е 750 евра. Обработката чини до 750 евра, рокот на отплата е 35 години“, објасни српскиот претседател.
За ваков кредит ратата на корисникот за првата година би била 93 евра. Тој објасни и колкаво е учеството на државата.
„Ние наместо вас даваме 124 евра од државниот буџет како држава Србија. Од втора до шеста година плаќате само 175 евра – за државата да продолжи да плаќа 124 евра„.
Како што вели, по шестата година, од седмата година па наваму, до 340 евра. „Ако вредноста на недвижноста е 100.000, тогаш вашата рата оди од 93 на 124 евра, а придонесот на државата е 124 евра“, рече претседателот.
„За секој млад минималниот придонес е 1%, кој има може да плати повеќе. Предвремената отплата е бесплатна, а државната гаранција е 40 отсто од отплатата на кредитот“, изјави претседателот на Србија.
„На пример, си земал стан за 100.000. Фиксната каматна стапка е 3,5 отсто, ние ви даваме 2 отсто, значи каматата за корисниците е 1,5 отсто, што ја нема никаде во светот“, посочи тој.
Тој нагласи дека висината на ратата ќе биде помала отколку што сега се плаќаат месечните закупнини на ваквите станови.
„Од втората до шестата година каматната стапка е 6,5 отсто. После тоа, според Еурибор, значи според сегашната стапка е 4,6 или 4,8 отсто. Доколку вредноста на имотот е 75.000 евра, авансот е 750 евра, помалку од еден телефон. Првата година плаќате 93 евра месечно. Толку е погодно што не знам што да кажам. Во недвижниот имот што го изнајмувате денеска немате никаде под 350 евра месечно“, најави Вучиќ.
„Друга работа, за оние кои се невработени, особено за студентите, сигурно ќе има доволно гаранции од родителите или браќата и сестрите. Така избегнуваме секаква злоупотреба. Може да добијат студенти, секој што има 20 години и е невработен“, вели тој.
Станови со државни субвенции ќе можат да купат граѓаните на Србија, кои ќе им бидат прв недвижен имот, на возраст меѓу 20 и 35 години, нагласувајќи дека и невработените ќе можат да добијат кредит.
Тој во своето обраќање до јавноста рече дека освен емотивната компонента секој родител своето дете да остане во земјава, оваа мерка има и рационални корени „-Клучна тема беше како невработените ќе добијат кредит и стан, како ќе добијат стан. Да, студентите можат да го добијат, секој кој има 20 години. Дури и невработените можат“, рече Вучиќ.
