Аналитика
Според податоците на Државниот завод за статистика, индексот на цените на угостителските услуги во март 2021 година, во споредба со февруари 2021 година, остана на исто ниво.
Индексот на цените на угостителските услуги во март 2021 година, во однос на истиот месец од претходната година, е зголемен за минимални 0.1 %.
Кумулативниот индекс на цените на угостителските услуги за периодот јануари – март 2021 година, во однос на истиот период од минатата година, е зголемен за 0.3 %, додека во однос на декември 2020 година остана на исто ниво.
Според статистичката табела еден процент зголемување на цената имало само кај лебот што го служеле, додека кај алкохолните и безалкохолните пијалоци има зголемување на цената од 0,8%. Кај печените меса и порачките за јадење има пораст за 0,5 проценти, додека ноќевањата се во опагање за 1,6 проценти.
