Аналитика
Во Македонија заштедите во банките на граѓаните се осигурани во износ до 30.000 евра. За разлика од кај нас во соседна Србија тој износ изнесува 50.000 евра. Во Европската Унија пак депозитите се осигурани на 100.000 евра.
Србија најавува дека во некои од следните измени во законот се размислува за зголемување на износ до 100.000 евра, колку што е во земјите од ЕУ.
Ова го изјави претседателот на Управниот одбор на Агенцијата за осигурување на депозити и претседател на белградската банкарска академија Хасан Ханиќ, но нема потреба да се брза. Сепак тој посочува дека нема многу да се брза со оваа законска измена.
Заштедите во динари се зголемени речиси 6 пати во последните 9 години и во средината на тековната година достигнаа вкупно 99 милијарди динари. Во истиот период девизните заштеди се зголемени од 8 на 12 милијарди евра.
Од Народната банка на Србија велат дека просечниот износ на заштеди во динари во последните неколку години расте и дека од јули годинава изнесуваше нешто повеќе од 91.000 динари. Од друга страна, просечниот износ на девизни заштеди по депозит во моментов е нешто над 2.540 евра.
