Аналитика
Препорачуваме, доколку не сте го прочитале првиот дел Не се пензионирајте – совети на јапонски лекар и експерт за долговечност кој живеел 105 години (дел 1/3) да започнете со него, а потоа да продолжите со читање на Правилата се стресни обидетесе да ги релаксирате (дел 2/3) и дури потоа да продолжите со читање на овој текст
Д-р Шигеаки Хинохара имал извонреден живот од повеќе аспекти, тој е јапонскиот лекар и експерт за долговечност кој живеел 105-години.
Во ги презентираме последните два совети, кои овој јапонски доктор ги пренесува за долг, спокоен и исполнет живот.
- Запомнете дека лекарите не можат да излечат сè.
Хинохара предупреди да не се зема секогаш советот на лекарот. Кога се препорачува тест или операција, тој советувал: „прашајте дали лекарот би предложил неговиот сопружник или деца да поминат низ таква постапка“.
Хинохара инсистираше на тоа дека науката сама не може да им помогне на луѓето. „Секоја личност е единствена, а болестите се поврзани со нивните срца“, рече тој и додал за да ја знаеме болеста и да им помагаме на луѓето, потребни ни се либерални и визуелни уметности, не само медицински.
Всушност, Хинохара се погрижи Свети Лука да ги задоволи основните потреби на пациентите: „Да се забавуваат“. Болницата обезбеди часови по музика, терапија со животни и уметност.
„Болката е мистериозна и забавата е најдобриот начин да се заборави“, рече тој. „Ако детето има забоболка, и заедно започнете да играте игра, тој или таа веднаш заборава на болката“.
- Пронајдете инспирација, радост и мир во уметноста.
Според „Њујорк Тајмс“, кон крајот на својот живот, Хинохара не бил во можност да јаде, но одбил цевка за хранење. Тој почина неколку месеци подоцна дома.
Наместо да се обиде да се бори против смртта, Хинохара најде мир во местото каде се родил и размислувал за уметноста. Всушност, тој го припишува своето задоволство и поглед кон животот на една поема од Роберт Браунинг, наречена „Абт Воглер“ – особено овие редови:
„Никогаш доброто нема да биде изгубено! Се што беше, ќе живее како порано;
Злото е ништовно, тоа е нула и тоа е тишина која прави звук;
Она што беше добро, ќе биде добро;
На земјата искршените лаци; на небото совршен круг“
„Татко ми ми го читаше тоа“, се присетува Хинохара.
„Не поттикнува да правиме голема уметност. Во него се вели да се обидеме да нацртаме круг толку голем, што не постои начин да го завршиме додека сме живи. Сè што гледаме е лак; остатокот е надвор од нашата визија, но го има на далечина “.
