Аналитика
Стопанска банка АД – Скопје на 30. 06. 2020 година, по писмен пат го одржа годишното собрание на акционери на кое се разгледаа и донесоа одлуки, кои Банката ги споделува со јавноста.
Банката успешно ја заврши 2019та година, со постигнати резултати што се должат на конзистентната деловна политика и посветеноста во спроведувањето на стратегиските цели и активности. Зад нас се 75 години на успешен бренд, кој постојано се развива и е секогаш во чекор со потребите на клиентите – граѓаните и корпоративниот сектор, како и на нашата економија и општество во целина.
Собранието на Банката реши добивката остварена во 2019та година да се распределина следниот начин:
– Дел од добивката да се капитализира со што се придонесува за одржување на нејзината силна капитална позиција, која обезбедува стабилност, пораст и развој, имајќи ги притоа предвид и генералните препораки на Народната банка.
– Вториот дел од добивката е наменет за инвестициски проекти на Банката, наменети за развојни цели и за натамошно засилување на нејзиниот оперативен капацитет во иднина. Сепак, доколку инвестициите не бидат реализирани во планираниот период, Банката со нова одлука ќе изврши пренамена на овие средства.
Дневниот ред од одржаното собрание, содржината на одлуките и финансиските извештаи се достапни на интернет-страницата на Банката.
Како и во досегашниот период, Банката останува посветена на примена на највисоки стандарди за транспарентност за своето работење, кои се карактеристики на големите, општествено одговорни компании што се грижат за своите клиенти и за заедницата и придонесуваат во заедничкиот пораст и развој.
