СО НОВАТА ФАБРИКА ЗА ЛИТИУМСКИ БАТЕРИИ планиран е извоз од 60 милиони евра во првите три години

Почна изградбата на фабриката на германски компанија БМЗ во ТИРЗ Скопје вредна 65 милиони евра. На одбележувањето на почетокот на градбата, премиерот Христијан Мицковски истакна дека ова е инвестиција што ќе влијае позитивно на македонскаѕа економија и доведе до поголем раст на БДП. Додавајќи дека првите години се очекува да имам извоз од 35 до 40 милиони евра, а максимум 60 милиони евра во првите три години извоз. А, понатаму, тој може да достигне и до 130, па и повеќе милиони евра.

Според генералната директорка на БМЗ Македонија, Јелица Ивановска, комерцијалното производство е почнато со браундфилд инвестиција, но недостасува повеќе простор за работа па затоа се очекува фабриката да почне со работа во мај.

-Ние веќе произведуваме. Сега во моментот работиме во „браунфил“ лоциран во поранешните простории на фабриката „Раде Кончар“, односно во постоечки објект што е прилагоден на потребите на бизнисот. Во моментот броиме 110 вработени во сите сектори и работиме со пет функционални валидирани линии. Започнато ни е комерцијалното производство, со тоа што ни треба многу повеќе простор. Таму каде сме сега не е доволен просторот. Ова ќе биде нова и модерна фабрика и планирано е да имаме вработено помеѓу 770 и 1.000 лица – посочи Ивановска.